തിരുവനന്തപുരം: തിരുവനന്തപുരം നഗരത്തില്‍ മൂന്നു വര്‍ഷമായി പ്രവര്‍ത്തിക്കുന്ന കര്‍ട്ടന്‍ റെയ്‌സറിന്റെ അഭിനയ പരിശീലനത്തിന്റെ ഇരുപത്താറാമത്തെ ബാച്ചിലേക്ക് പ്രവേശനം ആരംഭിക്കുന്നു. അഭിനയത്തോട് താല്‍പര്യമുള്ളവര്‍ക്ക് ഹ്രസ്വകാല പരിശീലനങ്ങളാണ് കര്‍ട്ടന്‍ റെയ്‌സറിലൂടെ ലഭിക്കുന്നത്. ഇതോടൊപ്പം ആങ്കറിംങ്ങിലും പ്രസംഗത്തിലും പരിശീലനം നല്‍കുന്നുണ്ട്. സായാഹ്ന ക്ലാസ്സുകളോടൊപ്പം വാരാന്ത്യ പരിശീലനങ്ങളും രണ്ട് ദിവസത്തെ മുഴുവന്‍ സമയ തീവ്ര പരിശീലനവും അപേക്ഷകരുടെ താല്‍പര്യ പ്രകാരം നടത്തുന്നുണ്ട്. എല്ലാ മാസവും അവസാന ശനിയാഴ്ച പരിശീലനം നേടിയവരുടെ പ്രാക്ടീസ് അവതരണങ്ങള്‍ കര്‍ട്ടന്‍ റെയ്‌സറില്‍ നടക്കും. ഇതു തികച്ചും  സൗജന്യമാണ്. പരിശീലനം നേടിയവരെ കര്‍ട്ടന്‍ റെയ്‌സറിന്റെ പ്രൊഡക്ഷനുകളില്‍ പങ്കെടുപ്പിക്കുകയും ചെയ്യും. സ്‌കൂള്‍ ഓഫ് ഡ്രാമയില്‍ നിന്നും ഫിലിം ഇന്‍സ്റ്റിറ്റ്യൂട്ടില്‍ നിന്നും പരിശീലനം നേടിയിരുന്ന സതീഷ് പി.കുറുപ്പ് തന്റെ ബാങ്ക് മാനേജര്‍ ജോലി രാജിവെച്ചു നടത്തുന്ന കര്‍ട്ടന്‍ റെയ്‌സര്‍ മുമ്പ് ചെന്നൈയിലാണ് ആരംഭിച്ചു പ്രവര്‍ത്തിച്ചിരുന്നത്. ലാഭേച്ഛയില്ലാതെ പ്രവര്‍ത്തിക്കുന്ന കര്‍ട്ടന്‍ റെയ്‌സറില്‍ നാമമാത്രമായ ഫീസ് മാത്രമാണ് ഈടാക്കുന്നതെന്ന് മൂവി ലവേഴ്‌സ് അസോസിയേഷന്റെ കൂടി മുഖ്യ സംഘാടകനായ സതീഷ് പി.കുറുപ്പ് പറഞ്ഞു. ഫോണ്‍: 9846469959, 9746967620

വെബ്‌സൈറ്റ്: www.thecurtainraiser.in