തിരുവനതപുരം:2016ലെ ചലച്ചിത്ര പുരസ്‌കാര ജൂറി സംവിധായകനും ഛായാഗ്രാഹകനുമായ എ.കെ. ബിര്‍ ചെയര്‍മാനായി രൂപീകരിച്ചു. സംവിധായകരായ പ്രിയനന്ദനന്‍, സുന്ദര്‍ദാസ്, സുദേവന്‍, തിരക്കഥാകൃത്ത് പി.എഫ്.മാത്യൂസ്, നടി ശാന്തി കൃഷ്ണ, സംഗീത സംവിധായകന്‍ വി.ടി.മുരളി, സൗണ്ട് ഡിസൈനര്‍ അരുണ്‍ നമ്പ്യാര്‍, നിരൂപക ഡോ.മീന ടി.പിള്ള എന്നിവരാണ് അംഗങ്ങള്‍.മലയാളം സര്‍വകലാശാല വൈസ് ചാന്‍സലര്‍ കെ.ജയകുമാര്‍, എഴുത്തുകാരി മ്യൂസ് മേരി ജോര്‍ജ്, നിരൂപകന്‍ ഷിബു മുഹമ്മദ് എന്നിവരാണ് രചനകളുടെ പുരസ്‌കാര നിര്‍ണയ സമിതി അംഗങ്ങള്‍. ചലച്ചിത്ര അക്കാദമി സെക്രട്ടറി മഹേഷ് പഞ്ചു രണ്ടു സമിതികളുടെയും മെമ്പര്‍ സെക്രട്ടറിയാണ്.