CINEMA06/10/2018
ക്യാപ്റ്റന്‍ രാജുവിന്റെ സ്വപ്ന ചിത്രം 'മിസ്റ്റർ പവനായി' ഫസ്റ്റ് ലുക്ക് പോസ്റ്റർ പുറത്തിറങ്ങി
ayyo news service
ഫസ്റ്റ് ലുക്ക് പോസ്റ്റർ
നാടോടിക്കാറ്റിലെ ക്യാപ്റ്റന്‍ രാജുവിന്റെ കഥാപാത്രം പവനായി വര്‍ഷങ്ങള്‍ക്കിപ്പുറവും പ്രേക്ഷകരെ ചിരിപ്പിക്കുന്നു. ഇപ്പോഴത്തെ ട്രെൻഡായി ട്രോൾ പേജുകളിലെ സ്ഥിരം കഥാപാത്രമാണ് പവനായി. ക്യാപ്റ്റന്‍ രാജുവിന്റെ സ്വപ്നമായിരുന്ന "മിസ്റ്റര്‍ പവനായി" റിലീസിന് ഒരുങ്ങുകയാണ്, എന്നാൽ അതു കാണാം മലയാളത്തിന്റെ സ്വന്തം ക്യാപ്റ്റൻ ഇന്ന് ഇല്ല.
മലയാളസിനിമയില്‍ കരുത്തുറ്റ വില്ലന്‍ വേഷങ്ങള്‍ ചെയ്തു കൊണ്ടിരിക്കുന്നതിനിടെയാണ് ക്യാപ്റ്റന്‍ രാജു നാടോടിക്കാറ്റിലൂടെ മേക്കോവര്‍ നടത്തുന്നത്. പവനായി എന്ന പ്രൊഫഷണല്‍ കില്ലറായി എത്തി മലയാളികളെ പൊട്ടിച്ചിരിപ്പിച്ചു. ആ കഥാപാത്രത്തിലൂടെ ക്യാപ്റ്റന്‍ രാജു ഇന്നോളം കാണാത്ത ചിരിപ്പിക്കുന്ന വില്ലനായി.
മിസ്റ്റര്‍ പവനായിയുടെ സംവിധാനം നിർവഹിച്ചതും ക്യാപ്റ്റൻ രാജു തന്നെയായിരുന്നു. ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. 1997ല്‍ വിക്രം, ലൈല എന്നിവരെ മുഖ്യ കഥാപാത്രങ്ങളാക്കി പുറത്തിറങ്ങിയ "ഇതാ ഒരു സ്‌നേഹഗാഥ"യ്ക്കുശേഷം ക്യാപ്റ്റൻ സംവിധാനം ചെയ്ത ചിത്രം കൂടിയാണ് മിസ്റ്റര്‍ പവനായി.
എന്‍.എന്‍. പിള്ളയുടെ പൗത്രനും വിജയരാഘവന്റെ മകനുമായ ദേവദേവനാണ് മിസ്റ്റര്‍ പവനായിലെ മറ്റൊരു നായകൻ . നടി പൊന്നമ്മ ബാബുവിന്റെ മകള്‍ പിങ്കിയാണ് നായിക. തിരക്കഥ രൂപക് , നിഷാക് ആണ് നിര്‍വ്വഹിച്ചത്. അരുൺ, ഗണേഷ്‌കുമാര്‍, ഗിന്നസ് പക്രു, ഭീമന്‍രഘു, ഇന്ദ്രന്‍സ്, ജോണി, ടോണി, കവിയൂര്‍ പൊന്നമ്മ തുടങ്ങിയവരാണ് മറ്റു താരങ്ങൾ.
Views: 1318
SHARE
NEWS
പി. ഭാസ്‌കരന്‍ സ്മൃതി പുരസ്‌കാരം മങ്കൊമ്പ് ഗോപാലകൃഷ്ണന് സമര്‍പ്പിച്ചു
TALKS
ഇന്ത്യയില്‍ ലൈംഗികത കൂടുതല്‍ അടിച്ചമര്‍ത്തപ്പെട്ടിരിക്കുന്നു: കാനു ബേല്‍
P VIEW
ഡോ. വാഴമുട്ടം ചന്ദ്രബാബുവിന് മികച്ച സംഗീത സംവിധായകനുള്ള സത്യജിത് റേ പുരസ്‌കാരം
ARTS
ആറ്റുകാലമ്മ' വീഡിയോ ഗാനം റിലീസ് ചെയ്തു
OF YOUTH
'ശിവതാണ്ഡവം' സിഡി റിലീസ് ചെയ്തു
L ONLY
ദ ക്രൗണ്‍ ഓഫ് ഗ്ലോറി സൗന്ദര്യ മത്സരം മിസിസ് കേരളത്തിന്റെ സീസണ്‍-1
Create Date: 24.02.2024
