ശ്രീജിത്ത് മഹാദേവന്‍ കഥ എഴുതി സംവിധാനം ചെയ്യുന്ന പരിപ്പുവട എന്ന ചലച്ചിത്രത്തിലെ ഗാനങ്ങളുടെ ഓഡിയോ വീഡിയോ സിഡിയുടെ പ്രകാശനം ചലച്ചിത്ര  സംവിധായകന്‍  ടി.എസ്. സുരേഷ്ബാബു  നിര്‍വ്വഹിച്ചു. പ്രൊഫ: അലിയാര്‍, എം.കെ.ഗോപാലകൃഷ്ണന്‍, ടോം ജേക്കബ്, അനീഷ് ജെ. കരിനാട്, ബിജു പോത്തന്‍കോട്, ഇടക്കുന്നില്‍  സുനില്‍, ചിത്രത്തിലെ  നായകന്‍ അനന്തകൃഷ്ണന്‍, നായിക സജിത, വിഷ്ണു പോസിറ്റീവ് ട്രാക്ക്, സിഞ്ചിദ, സിനിമയിലെ സാങ്കേതിക പ്രവര്‍ത്തകര്‍ തുടങ്ങിയവര്‍ സംസാരിച്ചു.

സിനിമയിലെ പിന്നാമ്പുറ കഥകള്‍ രസകരമായി അവതരിപ്പിക്കുന്ന ഈ ചിത്രം ശിവദീപം ഇന്റര്‍നാഷണല്‍ ഫിലിംസിന്റെ ബാനറില്‍ അരുണ്‍ ജി.രവി ആണ് നിര്‍മ്മിക്കുന്നത്.  തിരക്കഥയും സംഭാഷണവും രചിച്ചത് ദിനേശ് വിളിക്കുപാറ ആണ്. ഗാനരചന, സംഗീതം :  ഷാനോ ജി. ഫ്രാന്‍സിസ്, വിഷ്ണുരാജ് വരവത്ത്. ഗായകര്‍ : വിഷ്ണു, വിഷ്ണുരാജ് വരവത്ത്, അപര്‍ണാ സേവ്യര്‍. ഛായാഗ്രഹണം: അജി പനങ്ങോട്. പ്രൊഡക്ഷന്‍ കണ്‍ട്രോളര്‍ : ദീപു ശിവദീപം. പി.ആര്‍.ഒ. : റഹിം പനവൂര്‍. കോറിയോഗ്രാഫി : സൂപ്പര്‍ പ്രശാന്ത്