തിരുവനന്തപുരം : തിരുവനന്തപുരം നഗരത്തിലെ പ്രതിമകളെ അടയാളപ്പെടുത്തുന്ന പ്രതിമകള്‍ പ്രതിരൂപങ്ങള്‍ എന്ന ഡോക്യുമെന്ററി പൂര്‍ത്തിയാകുന്നു. പ്രശസ്ത നാടക പ്രവര്‍ത്തകനും സംവിധായകനുമായ അലക്‌സ് വള്ളികുന്നം തിരുവനന്തപുരം ഒരിടം ബാനറില്‍ നിര്‍മ്മിച്ച് സംവിധാനം ചെയ്യുന്ന ഡോക്യുമെന്ററി സാമൂഹ്യവും രാഷ്ട്രീയവും ചരിത്രപരവും സാംസ്‌കാരികവുമായ തിരുവനന്തപുരം നഗരമനസിന്റെ സമഗ്രമായ ചിത്രണവും ഇതിഹാസസമാനങ്ങളായ വ്യക്തിത്വങ്ങളിലൂടെയുള്ള സൂക്ഷ്മമായ സഞ്ചാരവുമാകുന്നു.

കേരള സര്‍ക്കാരിന്റെയും തിരുവനന്തപുരം നഗരസഭയുടെയും സാംസ്‌കാരിക സ്ഥാപനങ്ങളുടെയും മീഡിയ വോയ്‌സ് വാര്‍ത്താ മാസികയുടെയും സഹകരണത്തോടെ പൂര്‍ത്തീകരിക്കുന്ന ഡോക്യുമെന്ററി അടുത്തമാസം ക്ഷണിക്കപ്പെട്ട സദസിന് മുന്നില്‍ പ്രദര്‍ശിപ്പിക്കും. ക്യാമറ : മനോജ്കുമാര്‍. പി ആര്‍ ഒ : റഹിം പനവൂര്‍. സംവിധാന സഹായം : അനില്‍ മീഡിയ..