ഒരു പകല്‍കൊണ്ട് ചിത്രീകരിച്ച സംഗീത ഹ്രസ്വചിത്രമാണ് കടവ്. ഇതിന്റെ സംഗീത സംവിധാനം, രചന, സംവിധാനം എന്നിവ നിര്‍വ്വഹിച്ചത് ശ്യാം എസ്.സാലഗം ആണ്. സിനിബി പ്രൊഡക്ഷന്‍സിന്റെ ബാനറില്‍ സോണി ഫ്രാന്‍സിസ് കാഞ്ഞിരപ്പള്ളി ആണ് ഈ ചിത്രം നിര്‍മ്മിച്ചത്. കടത്തിനെ ആശ്രയിച്ചു കഴിയുന്ന ഒരു നാടിന്റെ ചിരകാല സ്വപ്നമാണ് ഒരു പാലം എന്നത്. കടവിലെ കടത്തുകാരനായിരുന്ന ചന്ദ്രുവിന്റെ അച്ഛന്റെ പെട്ടെന്നുള്ള വേര്‍പാടില്‍ ചെറുപ്രായത്തില്‍ തന്നെ ചന്ദ്രു ഒറ്റപ്പെടുന്നു. അച്ഛനു പകരം ചന്ദ്രു കടത്തുകാരനാകുന്നു. ചന്ദ്രുവിന് ആശ്വാസമായി ഒരു പെണ്‍കുട്ടിയും അയാളുടെ ജീവിതത്തിലേക്ക് കടന്നു വരുന്നു. ഇതാണ് ഈ ഹ്രസ്വചിത്രത്തിലൂടെ പറയുന്നത്.