തിരുവനന്തപുരം: നടന്മാരായ പ്രേംനസീര്‍, സത്യന്‍, ജയന്‍ എന്നിവരുടെ സ്മരണാര്‍ത്ഥം നിത്യഹരിത കള്‍ച്ചറല്‍ ആന്‍ഡ് ചാരിറ്റബിള്‍ സൊസൈറ്റിയുടെ ആഭിമുഖ്യത്തില്‍ സ്‌കൂള്‍ വിദ്യാര്‍ത്ഥികള്‍ക്കായി പെയിന്റിംഗ് മത്സരം സംഘടിപ്പിക്കും. ഫെബ്രുവരി 3 ഞായറാഴ്ച രാവിലെ 10 ന് തിരുമല പാങ്ങോട് ഗവണ്‍മെന്റ് എല്‍.പി.എസില്‍ വച്ചാണ് മത്സരം. യു.പി, എച്ച്.എസ്, എച്ച്.എസ്.എസ് എന്നീ വിഭാഗങ്ങളിലായാണ് മത്സരം. രജിസ്‌ട്രേഷന്‍ ഫീസ് ഇല്ല. മത്സരത്തില്‍ പങ്കെടുക്കുന്നവരുടെ പെയിന്റിംഗുകള്‍ നിത്യഹരിത സൊസൈറ്റിയുടെ പൊതുപരിപാടിയില്‍ പ്രദര്‍ശിപ്പിക്കുമെന്നും വിജയികള്‍ക്ക് മികച്ച സമ്മാനങ്ങള്‍ നല്‍കുമെന്നും സൊസൈറ്റി പ്രസിഡന്റ് റഹിം പനവൂര്‍ അറിയിച്ചു. കൂടുതല്‍ വിവരങ്ങള്‍ക്ക് ഫോണ്‍ : 9946584007, 9447220332