വിക്ടർ മാധവ്, അരുണിമ
ഒരു ചിത്രകാരന്റെ നിശബ്ദ മനോപരിവര്‍ത്തനത്തിന്റെ  കഥ പറയുന്ന  ചിത്രമാണ് മാറ്റം. ബാസ് മൂവീസിന്റെ ബാനറില്‍  നവാഗതനായ സെജി പാലൂരാനാണ് ഈ ചിത്രത്തിന്റെ നിര്‍മ്മാണവും രചനയും സംവിധാനവും നിര്‍വ്വഹിക്കുന്നത്.

ഭാര്യ റോസും ഏക മകളും ഉള്‍പ്പെടുന്നതാണ് ക്രിസ്റ്റഫര്‍ എന്ന  ചിത്രകാരന്റെ കുടുംബം. ക്രിസ്റ്റഫറിന്റെയും റോസിന്റെയും പ്രണയവിവാഹമായിരുന്നു . പ്രണയവിവാഹവും അനുബന്ധ സംഭവങ്ങളും ഇവരുടെ ജീവിതത്തില്‍ അസ്വസ്ഥതയുടെ മുറിവുകള്‍ സൃഷ്ടിക്കുന്നു . ക്രിസ്റ്റഫറിന്റെ അച്ഛന്റെ ഏലം എസ്റ്റേറ്റ് ബംഗ്ലാവില്‍ ഒളിവില്‍ താമസിക്കുന്ന  ഘട്ടത്തില്‍ പിതാവില്‍ നിന്നുമുണ്ടായ അനിഷ്ഠപ്രവര്‍ത്തികളും അനുബന്ധ സംഭവങ്ങളും അവരെ മറ്റൊരു ഗ്രാമത്തിലേക്ക് കുടിയേറി പാര്‍ക്കുവാന്‍ ഇടയാക്കി. അവിടെയും അസ്വസ്ഥതകളുടെ ദിനങ്ങള്‍ കടന്നുവരുന്നു.

സെജി പാലൂരാൻ
പുതുമുഖങ്ങളായ വിക്ടര്‍ മാധവ് നായക കഥാപാത്രമായ  ക്രിസ്റ്റഫറിനെയും അരുണിമ നായിക കഥാപാത്രമായ റോസിനെയും അവതിരിപ്പിക്കുന്നു.