തിരുവനന്തപുരം:മോഹന്‍ലാല്‍ നായകനായ  പുലിമുരുകന്‍ 100 കോടി ക്‌ളബിലെത്തി. മലയാളത്തില്‍ 100 കോടിരൂപ കളക്ഷന്‍ നേടുന്ന ആദ്യ ചിത്രമാണ് വൈശാഖ് സംവിധാനംചെയ്ത പുലിമുരുകന്‍. നിറഞ്ഞ സദസുകളില്‍ പ്രദര്‍ശനം തുടരുന്ന ചിത്രത്തിന്റെ ഗ്രോസ് കളക്ഷനാണ് ഇത്. മുളകുപാടം ഫിലിംസിന്റെ ബാനറില്‍ ടോമിച്ചന്‍ മുളകുപാടം നിര്‍മിച്ച ചിത്രം ഒരു മാസം കൊണ്ടാണ് 100 കോടി കളക്ഷന്‍ നേടിയത്. ഒക്ടോബര്‍ 7 നാണ് പുലിമുരുകന്‍ റിലീസ് ചെയ്തത്.   കമലിനീ മുഖര്‍ജിയാണ് നായിക.  സിദ്ദിഖ്, ലാല്‍ എന്നിവരും പ്രധാന കഥാപാത്രങ്ങളെ അവതരിപ്പിക്കുന്ന ചിത്രം കേരളത്തിൽ നിന്ന് മാത്രം77 കോടി രൂപ നേടിയിരുന്നു.

കൂടാതെ  യുഎഇ ,ബഹ്‌റൈന്‍, കുവൈറ്റ്  എന്നിവിടങ്ങളിൽ നിന്ന് 11 കോടിയിലധികവും ഓവര്‍സീസ് , സാറ്റലെറ്റ് റീമേക്ക് എന്നവയില്‍ നിന്ന്  15 കോടിയും നേടിയ ചിത്രം അമേരിക്ക, യൂറോപ്പ്, എന്നിവിടങ്ങളില്‍ നിന്നും മികച്ച കളക്ഷനാണ് നേടുന്നത് .