തിരുവനന്തപുരം:ലഹരി വസ്തുക്കളുടെ ഉപയോഗത്തിനെതിരെ ബോധവത്ക്കരണം നല്‍കുന്ന  ത്വര എന്ന  ഹ്രസ്വ ചിത്രത്തിന്റെ ടീസര്‍ നടന്‍ മധു റിലീസ് ചെയ്തു.  ആര്‍.ജി.ക്രിയേഷന്‍സിന്റെ ബാനറില്‍ ആര്‍.ജി.അഭിലാഷ് നിര്‍മിച്ച ഈ ചിത്രത്തിന്റെ രചനയും സംവിധാനവും നിര്‍വഹിച്ചത് വിനോദ് ഗോപിജിയാണ്.

മധു 'ത്വര'യുടെ ടീസര്‍ റിലീസ് ചെയ്യുന്നു
ലഹരിക്കടിമയായ യുവാവിന്റെ കഥ പറയുന്ന ഈ ഹ്രസ്വചിത്രത്തില്‍ പുതുമുഖ നടനും നിര്‍മാതാവുമായ ആര്‍.ജി. അഭിലാഷ് രാഹുല്‍ എന്ന നായക കഥാപാത്രത്തെ അവതരിപ്പിച്ചിരിക്കുുന്നു.  സിനിമ, സീരിയല്‍ രംഗത്ത് സജീവമായ തന്‍വി എസ്. രവീന്ദ്രന്‍, ജീവാ സജീവ് എന്നിവരാണ്‌ മറ്റു പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ബോധവല്‍ക്കരണ ചിത്രമായ 'ത്വര' വിദ്യാലയങ്ങളിലും കലാലയങ്ങളിലും കൂടി പ്രദര്‍ശിപ്പിക്കാൻ ഉദ്ദേശിച്ചുകൂടിയാണ് നിർമിച്ചിരിക്കുന്നത്.  ഈ ഹ്രസ്വചിത്രം ഉടൻ പ്രേക്ഷകരുടെ മുിന്നിലെത്തും.