കര്‍ട്ടന്‍ റെയ്‌സര്‍ അവതരിപ്പിക്കുന്ന ഹ്രസ്വചിത്രമാണ് സൂ കാണാന്‍ പോകാം. സതീഷ് പി.കുറുപ്പ് ആണ് ആവിഷ്‌കാരവും സംവിധാനവും നിര്‍വഹിച്ചിരിക്കുന്നത്. ആനുകാലിക സംഭവത്തെ പ്രമേയമാക്കിയുള്ളതാണ് ഈ ഹ്രസ്വ ചിത്രം. ആന്തൂര്‍ ദുരന്തം പോലുള്ള സംഭവങ്ങളിലേക്ക് നയിക്കുന്ന സര്‍ക്കാര്‍ ഓഫീസുകളുടെ അവസ്ഥയാണ് ആക്ഷേപ ഹാസ്യരൂപത്തില്‍ ഈ ഹ്രസ്വചിത്രത്തില്‍ അവതരിപ്പിക്കുന്നത്. കര്‍ട്ടന്‍ റെയ്‌സര്‍ വിവിധ സ്ഥലങ്ങളില്‍ രംഗാവിഷ്‌കാരം നടത്തിയ നാടകത്തിന്റെ ദൃശ്യാവിഷ്‌കാരമാണിത്. 

രാജീവ് തുളസീധരന്‍, രാജേഷ് പേരൂര്‍ക്കട, ശ്രീകുമാര്‍ എസ്, അനൂപ് പുത്തന്‍പുരയ്ക്കല്‍, തരുണ്‍ തിലക്, വിജയന്‍ മുട്ടത്തറ, ബിനു ജെയിംസ് എന്നിവരാണ് അഭിനേതാക്കള്‍. സതീഷ് പി.കുറുപ്പിന്റെ നേതൃത്വത്തിലുള്ള മൂവി ലവേഴ്‌സ് അസോസിയേഷനിലെ അംഗങ്ങളാണ് ഇവരെല്ലാവരും. 

ഛായാഗ്രഹണം: ജയരാജ് ഹരി. പശ്ചാത്തല സംഗീതം: എസ് ആര്‍.സൂരജ്. കലാസംവിധാനം: അനുപ് പുത്തന്‍പുരയ്ക്കല്‍. എഡിറ്റിംഗ്: ആനന്ദ് എസ്.ലിന്‍. പി.ആര്‍.ഒ : റഹിം പനവൂര്‍. ഈ ചിത്രം യൂട്യൂബില്‍ കാണാന്‍ കഴിയും