CINEMA14/02/2020
ട്രിപ്പ്
Rahim Panavoor
രാജീവന്‍ വെള്ളൂര്‍, കല്ല്യാണ്‍ ഖന്ന
മഹാത്മാഗാന്ധി യൂണിവേഴ്‌സിറ്റി ക്രിയേഷന്‍സിന്റെ ബാനറില്‍ കോട്ടയം മഹാത്മാഗാന്ധി സര്‍വ്വകലാശാല നിര്‍മ്മിച്ച രണ്ടാമത്തെ ഫീച്ചര്‍ ചലച്ചിത്രമായ ട്രിപ്പ് ഉടന്‍ പ്രദര്‍ശനത്തിനെത്തും. അന്‍വര്‍ അബ്ദുള്ള, എം.ആര്‍.ഉണ്ണി എന്നിവര്‍ ചേര്‍ന്നാണ് ചിത്രം സംവിധാനം ചെയ്തത്. എം.ആര്‍. ഉണ്ണിയുടെ കഥയ്ക്ക് തിരക്കഥയും സംഭാഷണവും രചിച്ചത് അന്‍വര്‍ അബ്ദുള്ള ആണ്. ഡോ.സന്തോഷ് പി.തമ്പി ആണ് ലൈന്‍ പ്രൊഡ്യൂസര്‍.
ആര്യ രമേഷ്, രാജീവ് മോഹന്‍
സര്‍ക്കാരിന്റെയും വിവിധ സര്‍വ്വകലാശാലകളുടെയും സഹകരണത്തോടെയാണ് ചിത്രം ഒരുക്കിയത്. അധ്യാപകരും വിദ്യാര്‍ത്ഥികളും യൂണിവേഴ്‌സിറ്റി ജീവനക്കാരും ഈ സിനിമയില്‍ അഭിനേതാക്കളായും അണിയറക്കാരായും സഹകരിച്ചിട്ടുണ്ട്. കണ്ണൂര്‍ മുതല്‍ വര്‍ക്കല വരെയുള്ള കേരളത്തിന്റെ തീരപ്രദേശത്തുകൂടിയുള്ള യാത്രയായാണ് ഈ ട്രാവല്‍ മൂവിയുടെ കഥ മുന്നോട്ട് പോകുന്നത്. കോട്ടയം, കണ്ണൂര്‍, മുഴുപ്പിലങ്ങാട്, കോഴിക്കോട്, ചമ്രവട്ടം തുടങ്ങിയ സ്ഥലങ്ങളിലായിരുന്നു സിനിമയുടെ ചിത്രീകരണം.
ദുരന്തനിവാരണ സമിതിയുടെ ചെയര്‍മാനും ഉന്നതനുമായ ജയദേവന്റെയും വീട്ടമ്മയായ ശ്രീലതയുടെയും ഏക മകനാണ് 23-കാരനായ ഉണ്ണി. അവന്‍ ലഹരിക്കടിമപ്പെട്ട് ഒരു റീഹാബിലിറ്റേഷന്‍ സാനിറ്റോറിയത്തില്‍ ആകുന്നു. അവിടെനിന്നും തടവുചാടുന്ന ഉണ്ണിയെ കാണാതാകുന്നു. അവനെ അന്വേഷിച്ചുപോകുന്ന കൂട്ടുകാരായ ഫിദയും സക്കറിയയും അവന്റെ ജീവിതത്തില്‍ സംഭവിച്ചതെന്തെന്ന് പതിയെ മനസ്സിലാക്കിയെടുക്കുന്നതാണ് സിനിമയുടെ കഥ. ലഹരിയുടെ ദുരന്തമുഖമാണ് ഈ സിനിമ ചൂണ്ടിക്കാട്ടുന്നത്
. അനീഷ് ഗോപാല്‍, റെജിന്‍ രാജ്, ആര്യ രമേഷ് ആര്യ രമേഷ്, കല്ല്യാണ്‍ ഖന്ന, റെജിന്‍ രാജ്, മാസ്റ്റര്‍ ഗൗതം, കെ.ടി.സി അബ്ദുള്ള, ഗിരീഷ് രാംകുമാര്‍, ശിവഗംഗ നാഥ്, രാജീവന്‍ വെള്ളൂര്‍, പി.കെ.ഹരികുമാര്‍, രാജീവ് മോഹന്‍, അന്‍വര്‍ അബ്ദുള്ള, ജി.ശ്രീകുമാര്‍, അനീഷ് ഗോപാല്‍, ജ്യൂവല്‍ ബേബി എന്നിവരുള്‍പ്പെടെ മുപ്പതോളം താരങ്ങള്‍ ഈ ചിത്രത്തില്‍ അഭിനയിച്ചിട്ടുണ്ട്. കെ.ടി.സി അബ്ദുള്ള അവസാനമായി അഭിനയിച്ച ചിത്രം കൂടിയാണിത്.
ഗാനരചന: കെ. ജയകുമാര്‍, ഒ.വി. ഉഷ, റഫീഖ് അഹമ്മദ്, അന്‍വര്‍ അബ്ദുള്ള. സംഗീത സംവിധാനം, പശ്ചാത്തല സംഗീതം: ജാസി ഗിഫ്റ്റ്. ഗായകര്‍: ജാസി ഗിഫ്റ്റ്, നജീം അര്‍ഷാദ്, വൈക്കം വിജയലക്ഷ്മി, പി.വി.പ്രീത. ഛായാഗ്രഹണം: എ.മുഹമ്മദ്. ചിത്രസംയോജനം: റിഞ്ചു ആര്‍.വി. അസോസിയേറ്റ് ഡയറക്ടര്‍: നവാസ് അലി. അസിസ്റ്റന്റ് ഡയറക്ടര്‍മാര്‍: ബാലു കുടമാളൂര്‍, ശ്രീകാന്ത്. ചമയം: മിറ്റാ ആന്റണി. വസ്ത്രാലങ്കാരം: ജയരാജ് വാടാനാകുറിശ്ശി. കലാസംവിധാനം: അനീഷ് ഗോപാല്‍. പി.ആര്‍.ഒ: റഹിം പനവൂര്‍, ജി. ശ്രീകുമാര്‍. പ്രൊഡക്ഷന്‍ കണ്‍ട്രോളര്‍: ദീപക് പരമേശ്വരന്‍. പ്രൊഡക്ഷന്‍ എക്‌സിക്യൂട്ടീവ്: പ്രതീഷ് മാവേലിക്കര. യൂണിറ്റ് പ്രൊഡക്ഷന്‍ മാനേജര്‍: വി. സുരേഷ്‌കുമാര്‍. സ്റ്റുഡിയോ: ചിത്രാഞജ്‌ലി. പരസ്യകല: യെല്ലോ ടൂത്ത്. ശബ്ദവിന്യാസം: വിനോദ് പി.ശിവറാം. സ്റ്റില്‍സ്: ശേഖരാജ്.
ജ്യൂവല്‍ ബേബി, മാസ്റ്റര്‍ ഗൗതം
മലയാളികളില്‍ ഗൃഹാതുരത്വമുണര്‍ത്തുന്ന, സിനിമയുടെ പ്രചാരണ മാര്‍ഗ്ഗങ്ങളായുണ്ടായിരുന്ന പഴയരീതിയിലുള്ള പാട്ടുപുസ്തകവും നോട്ടീസും ഈ ചിത്രത്തിനു വേണ്ടി പുനഃസൃഷ്ടിച്ചു എന്ന പ്രത്യേകതയും ഈ സിനിമയ്ക്കുണ്ട്.
ഇന്ത്യയിലെ യൂണിവേഴ്‌സിറ്റികളില്‍ ആദ്യമായി സിനിമ നിര്‍മ്മിച്ച യൂണിവേഴ്‌സിറ്റിയാണ് മഹാത്മാഗാന്ധി യൂണിവേഴ്‌സിറ്റി. 2018-ല്‍ പ്രദര്‍ശിപ്പിച്ച സമക്ഷം ആണ് യൂണിവേഴ്‌സിറ്റി നിര്‍മ്മിച്ച ആദ്യ ചിത്രം. അജു കെ. നാരായണനും അന്‍വര്‍ അബ്ദുള്ളയും ചേര്‍ന്ന് സംവിധാനം ചെയ്ത ഈ ചിത്രം മികച്ച പരിസ്ഥിതി ചിത്രത്തിനും ബാലതാരത്തിനുമുള്ള കേരള ഫിലിം ക്രിട്ടിക്‌സ് അസോസിയേഷന്റെ അവാര്‍ഡ് നേടിയിരുന്നു.
ആര്യ രമേഷ്, കെ.ടി.സി അബ്ദുള്ള
ഗാന്ധിയന്‍ സാമൂഹികദര്‍ശനങ്ങളിലൂന്നിയ കഥകളുടെ ദൃശ്യാവിഷ്‌കാരങ്ങളിലൂടെ സമൂഹത്തിനു സന്ദേശം പകരുക എന്ന ലക്ഷ്യമാണ് സര്‍വ്വകലാശാലയുടെ സിനിമാശ്രമങ്ങള്‍ക്ക് പിന്നിലെന്നും ജൈവജീവിതത്തെ മുന്‍നിര്‍ത്തിയുള്ള ആദ്യചിത്രമായ സമക്ഷത്തിനു ശേഷമാണ് ലഹരിവിരുദ്ധ സന്ദേശവുമായി ട്രിപ്പ് എത്തുന്നതെന്നും അധികൃതര്‍ പറഞ്ഞു.
Views: 1140
SHARE
NEWS
പി. ഭാസ്‌കരന്‍ സ്മൃതി പുരസ്‌കാരം മങ്കൊമ്പ് ഗോപാലകൃഷ്ണന് സമര്‍പ്പിച്ചു
TALKS
ഇന്ത്യയില്‍ ലൈംഗികത കൂടുതല്‍ അടിച്ചമര്‍ത്തപ്പെട്ടിരിക്കുന്നു: കാനു ബേല്‍
P VIEW
ഡോ. വാഴമുട്ടം ചന്ദ്രബാബുവിന് മികച്ച സംഗീത സംവിധായകനുള്ള സത്യജിത് റേ പുരസ്‌കാരം
ARTS
ആറ്റുകാലമ്മ' വീഡിയോ ഗാനം റിലീസ് ചെയ്തു
OF YOUTH
'ശിവതാണ്ഡവം' സിഡി റിലീസ് ചെയ്തു
L ONLY
ദ ക്രൗണ്‍ ഓഫ് ഗ്ലോറി സൗന്ദര്യ മത്സരം മിസിസ് കേരളത്തിന്റെ സീസണ്‍-1
Create Date: 24.02.2024
