കേരള   സംസ്ഥാന   യുവജനക്ഷേമ  ബോര്‍ഡിന്റെ പത്മരാജൻ പുരസ്‌കാരത്തിന് വേണ്ടിയുള്ള ത്രിദിന ഷോര്‍ട്ട് ഫിലിം ഫെസ്റ്റിവലിന് ഇന്ന്  തുടക്കമാകും.

വി ജെ ടി ഹാളില്‍12, 13, 14 തീയതികളിലായി തെരഞ്ഞെടുത്ത നൂറോളം ഷോര്‍ട്ട് ഫിലിമുകള്‍ പ്രദര്‍ശിപ്പിക്കും. മത്സരങ്ങള്‍ അല്ലാതെ പ്രദര്‍ശന വിഭാഗമായും ഷോര്‍ട്ട് ഫിലിമുകള്‍ പ്രദര്‍ശിപ്പിക്കും. ഏറ്റവും മികച്ച ഷോര്‍ട്ട് ഫിലിം, ഡോക്യുമെന്ററി, ആല്‍ബം  കൂടാതെ  രണ്ടും മൂന്നും സ്ഥാനങ്ങള്‍ നേടുന്നവയ്ക്കും യഥാക്രമം  15,000/,  10,000/,  5,000/ എന്നിങ്ങനെ ക്യാഷ് പ്രൈസുകളും, ശ്രീ പത്മരാജന്റെ പേരിലുള്ള പുരസ്‌ക്കാരവും, സര്‍ട്ടിഫിക്കറ്റും വിതരണം ചെയ്യും.

ഷോര്‍ട്ട് ഫിലിമുകളില്‍ നിന്നു മാത്രമായി ഏറ്റവും മികച്ച നടനെയും നടിയെയും തെരഞ്ഞെടുക്കും.