തിരുവനന്തപുരം :  സംസ്ഥാന സര്‍ക്കാരിന്റെ രാജാരവിവര്‍മ്മ പുരസ്‌കാരം  ജനുവരി 5  ചൊവ്വാഴ്ച വൈകിട്ട് 4. 30 ന് തിരുവനന്തപുരം വൈലോപ്പിള്ളി സംസ്‌കൃതി ഭവനില്‍ നടക്കുന്ന ചടങ്ങില്‍ സാംസ്‌കാരിക വകുപ്പ് മന്ത്രി എ. കെ. ബാലന്‍ സമര്‍പ്പിക്കും.  കേരള ലളിതകലാ അക്കാദമി നല്‍കുന്ന ഈ പുരസ്‌കാരം പാരീസ് വിശ്വനാഥന്‍, ബി. ഡി. ദത്തന്‍  എന്നിവര്‍ മന്ത്രിയില്‍നിന്നും  സ്വീകരിക്കും. വി. കെ. പ്രശാന്ത് എം എല്‍ എ അധ്യക്ഷനായിരിക്കും. സാംസ്‌കാരികകാര്യ  സെക്രട്ടറി റാണി ജോര്‍ജ്,  അക്കാദമി ചെയര്‍മാന്‍ നേമം  പുഷ്പരാജ്,  കവിയും ഗാനരചയിതാവുമായ പ്രഭാവര്‍മ്മ,  അക്കാദമി സെക്രട്ടറി  പി. വി. ബാലന്‍ എന്നിവര്‍ സംസാരിക്കും. വൈകിട്ട് 4 മണി മുതല്‍  ലാലി   ജനാര്‍ദ്ദനന്‍  നയിക്കുന്ന  ഗാനോത്സവം  ഉണ്ടാകും.