തിരുവനന്തപുരം : തിക്കുറിശ്ശി സുകുമാരന്‍ നായരുടെ നൂറ്റി ആറാം ജന്മദിനാഘോഷത്തിന്റെ  ഭാഗമായി  തിക്കുറിശ്ശി ഫൗണ്ടേഷന്‍ വിവിധ മത്സരങ്ങള്‍ സംഘടിപ്പിക്കും. തിക്കുറിശ്ശി സിനിമകളിലെ കഥാപാത്രങ്ങള്‍ വിഷയമായുള്ള ചിത്രരചന മത്സരം, 'മലയാള സിനിമ  തിക്കുറിശ്ശി മുതല്‍ സിജു വിത്സണ്‍ വരെ' എന്ന വിഷയത്തില്‍  പ്രബന്ധ രചന മത്സരം, തിക്കുറിശ്ശി സിനിമകളിലെ പഴയകാല പോസ്റ്ററിന്റെ പുനര്‍ രചന മത്സരം, തിക്കുറിശ്ശി  അഭിനയിച്ച സിനിമകളിലെ രംഗങ്ങള്‍  ഉള്‍പ്പെടുത്തി 3 മിനിറ്റ് ദൈര്‍ഘ്യമുള്ള വീഡിയോ പുനര്‍ ചിത്രീകരണ മത്സരം, തിക്കുറിശ്ശി രചിച്ച സിനിമാ ഗാനങ്ങളുടെ ആലാപന  മത്സരം  എന്നിവയാണ് സംഘടിപ്പിക്കുന്നത്. ഒക്ടോബര്‍ 16 ഞായറാഴ്ച രാവിലെ 10 മണിക്ക്  തിരുവനന്തപുരം  നന്ദാവനം പ്രൊഫ.എന്‍.കൃഷ്ണപിള്ള ഫൗണ്ടേഷന്‍  ഹാളിലാണ്  മത്സരം. സ്‌കൂള്‍, കോളേജ്, പൊതു വിഭാഗങ്ങളില്‍ മത്സരം ഉണ്ടാകും. രജിസ്‌ട്രേഷന്‍  ഫീസില്ല.കൂടുതല്‍ വിവരങ്ങള്‍ക്ക് ഫൗണ്ടേഷന്‍ സെക്രട്ടറി രാജന്‍ വി.പൊഴിയൂരുമായി  ബന്ധപ്പെടണമെന്ന് ഫൗണ്ടേഷന്‍ ചെയര്‍മാന്‍ ബേബി മാത്യു സോമതീരം അറിയിച്ചു. ഫോണ്‍ : 9947005503.