ജീവിത സ്വപ്നമായ സിനിമയിൽ  ആദ്യ  ഗാനം ആലപിച്ചത് ഹരിഹരനോടൊപ്പം.പിറന്നാൾ ദിനത്തിൽ ഗായിക  കെ. എസ് ചിത്രയുടെ ആശംസയും  അഭിനന്ദനവും.മറക്കാനാവാത്ത  à´ˆ ഭാഗ്യങ്ങൾ ലഭിച്ച രാധികാ അശോകിന്റെ കണ്ണുകളിൽ സന്തോഷത്തിന്റെയും അഭിമാനത്തിന്റെയും തിളക്കം.പാലക്കാട് പട്ടാമ്പി  സ്വദേശിനിയായ  രാധിക  സോഷ്യൽ മീഡിയയിൽ സജീവമാണ്.  സ്മുളിൽ  പാട്ടുകൾ പാടിയായിരുന്നു ഏറെ  ശ്രദ്ധേയയാകുന്നത്.  ചെറുപ്പത്തിൽ യുവജനോത്സവ വേദികളിൽ ലളിത ഗാനമത്സരത്തിൽ  സ്ഥിരമായി സമ്മാനം നേടിയിരുന്നു. ആറാം  ക്ലാസ്സിൽ പഠി ച്ചപ്പോൾ  നാട്ടിൽ തന്നെയുള്ള ഒരു ഗാനമേള  ട്രൂപ്പിൽ  സ്ഥിരമായി പാടിയിരുന്നു. ഏഴാം  ക്ലാസ്സിലായപ്പോൾ ആകാശവാണിയുടെ  തൃശ്ശൂർ നിലയത്തിൽ  ബാലഗായക സംഘത്തിൽ ഇടo നേടി കുറേ പരിപാടികൾ അവതരിപ്പിച്ചു.12 വർഷത്തോളം സംഗീതം പഠിച്ചു. അന്നു തോന്നിയ  മോഹം, സംഗീതത്തോടുള്ള താല്പര്യം. സിനിമയിൽ പാടിക്കണം എന്ന് രാധികയുടെ  അമ്മ ജയശ്രീക്ക് വലിയ  ആഗ്രഹമായിരുന്നു. അന്നു മുതലേ അതിനുള്ള ശ്രമങ്ങളെല്ലാം നടത്തിയിരുന്നു..ഓരോ പരിപാടിക്കും വളരെ താല്പര്യത്തോടെയായിരുന്നു മകൾക്കൊപ്പം അമ്മ  പോയിരുന്നത് . അന്നു പത്രങ്ങളിൽ കണ്ട  ഓരോ പരിപാടിയുടെയും  ഓഡിഷന്  പോകുമായിരുന്നു. ഏഴാം  ക്ലാസ്സിൽ പഠിക്കുമ്പോൾ à´…à´–à´¿à´² കേരള എഴുത്തച്ഛൻ സമാജത്തിൽ രാമായണ പാരായണത്തിൽ ഒന്നാം സ്ഥാനം നേടിയിരുന്നു .അന്നു പങ്കെടുത്തവരിൽ  ഏറ്റവും ചെറിയ പ്രായക്കാരി രാധിക ആയിരുന്നു.സംഗീതവും പഠനവും കൂടെ കൊണ്ടുപോയപ്പോൾ കൂടുതൽ  താല്പര്യം  സംഗീതത്തോടായിരുന്നു. അന്നത്തെ വലിയൊരു സ്വപ്നം  തൃപ്പൂണിത്തുറ ആർ എൽ വി കോളേജിൽ  പഠിക്കണം എന്നതായിരുന്നു. പെട്ടെന്നായിരുന്നു  അമ്മയുടെ മരണം. അമ്മ  അധ്യാപിക  ആയിരുന്നതിനാൽ à´† ജോലി രാധികയ്ക്ക്  ഏറ്റെടുക്കേണ്ടി വന്നു. സംഗീത പഠനം പാതിവഴിയിൽ ഉപേക്ഷിക്കേണ്ടിവന്നു.  സംഗീത കോളേജ്  എന്ന സ്വപ്നവും. 15 വർഷത്തോളം സംഗീതരംഗത്തു  നിന്നും വിട്ടുനിന്നു. പിന്നീട് കല്യാണം, കുട്ടികൾ, കുടുംബം,ജോലി.അപ്പോഴും സംഗീതത്തോടുള്ള അഭിനിവേശം മനസ്സിൽ വിടാതെ സൂക്ഷിച്ചു.  കലയെ പ്രോത്സാഹിപ്പിക്കുന്ന ഭർത്താവിനെ കിട്ടിയത്  രാധികയ്ക്ക് സഹായകമായി. ഉപേക്ഷിച്ച സംഗീതത്തെ  തിരികെ കൊണ്ടുവരണം എന്നത് ഭർത്താവിന്റെ തീരുമാനമായിരുന്നു. അങ്ങനെ  സംഗീതത്തിൽ വീണ്ടും സജീവമാകൻ തീരുമാനിച്ചു. സോഷ്യൽ  മീഡിയയിൽ  പാട്ടുകൾ പോസ്റ്റ്‌  ചെയ്യാൻ തുടങ്ങി. ആദ്യം തന്നെ നല്ല പ്രതികരണമാണ്  ലഭിച്ചത്.എസ്.ജാനകിയുടെ  പാട്ടുകൾ ആണ്  കൂടുതലും പാടിയത്. രാധിക അശോകിന്റെ  പാട്ടുകൾ ഇഷ്ടപ്പെട്ടവർ  ജൂനിയർ ജാനകി എന്ന് വിളിച്ചു. ആദ്യം à´ˆ രംഗത്തേക്ക് കൈപിടിച്ചുയർത്തിയത് സംഗീത സംവിധായകൻ  ബി . രാജഗോപാൽ ആയിരുന്നു.അദ്ദേഹത്തിന്റെ  'രാഗ യമുന', 'വിപഞ്ചിക' തുടങ്ങിയ ആൽബങ്ങളിൽ  പാടിയായിരുന്നു സ്റ്റുഡിയോ  റെക്കോർഡിംഗ്  എന്ന സ്വപ്നം സാക്ഷാത്കരിച്ചത്.