കോഴിക്കോട് : ജെല്ലി മിഠായി കഴിച്ച് നാലുവയസ്സുകാരന്‍ യൂസഫലി മരിച്ചതിന്റെ പശ്ചാത്തലത്തില്‍ കോഴിക്കോട് ജില്ലയില്‍ ജെല്ലി മിഠായി നിരോധിച്ചു.  വെള്ളിയാഴ്ച രാത്രി മരിച്ച യൂസഫലിക്കൊപ്പം വ്യാഴാഴ്ച ജെല്ലി മിഠായി കഴിച്ച ഉമ്മ സുഹറാബി ഗുരുതരാവസ്ഥയില്‍ ആശുപത്രിയില്‍ ചികിത്സയിലാണ്. ജില്ലയിലെ കടകളില്‍ ഭക്ഷ്യ സുരക്ഷാ ഉദ്യോഗസ്ഥര്‍ പരിശോധന നടത്തി വരികയാണ്.

മൊഫ്യൂസ് ബസ് സ്റ്റാന്റിലെ കടയില്‍ നിന്നും  ജെല്ലി മിഠായി വാങ്ങി കഴിച്ച ഇരുവര്‍ക്കും ഛര്‍ദ്ദിയും വയറിളക്കവും അനുഭവപ്പെടുകയും ആശുപത്രിയില്‍ പ്രവേശിപ്പിക്കുകയുമായിരുന്നു.