തിരുവനന്തപുരം: ജാതി, മതം, വിശ്വാസം എന്നിവയുടെ പേരില്‍ കൈയേറ്റത്തിന് മറയിടുന്നതിനെ അംഗീകരിക്കാനാകില്ല. പ്രകൃതി വിഭവങ്ങള്‍ ചൂഷണം ചെയ്യുന്നതിനെതിരെ കാല്‍ നൂറ്റാണ്ടുമുമ്പ് കൈയേറ്റത്തിനെതിരെ തന്നെപ്പോലുള്ളവര്‍ രംഗത്ത് വന്നിരുന്നു. അന്ന് വെട്ടിനിരത്തലുകാര്‍ എന്ന് പറഞ്ഞ് അധിക്ഷേപിക്കാനാണ് പലരും ശ്രമിച്ചത്.  അതിന്റെ ദുരന്തമാണ് പടിവാതിക്കല്‍ എത്തിനില്‍ക്കുന്നതെന്ന് ഭരണപരിഷ്‌കാര കമ്മീഷന്‍ ചെയര്‍മാന്‍ വി.എസ്. അച്യുതാനന്ദന്‍ പറഞ്ഞു.  മൂന്നാർ കൈയ്യേറ്റം ഒഴിപ്പിക്കലിന് പിന്തുണ പ്രഖ്യാപിച്ചു യുവകലാസാഹിതി സെക്രട്ടറിയേറ്റ് നടയിൽ നടത്തിയ സാംസ്‌കാരിക കൂട്ടായ്മ ഉദ്ഘാടനം ചെയ്ത്സം സാരിക്കുകയായിരുന്നു അദ്ദേഹം.

പാവപ്പെട്ട ദളിതരും ആദിവാസികളും അടക്കമുള്ള ആയിരങ്ങള്‍ ഭൂമിക്കുവേണ്ടി സമരരംഗത്ത് വരുന്ന സമയത്താണ് പണാധിപത്യത്തിന്റെ മുഷ്‌കില്‍ കൈയേറ്റം നടത്തി ക്കൊണ്ടിരിക്കുന്നതെന്നും വി.എസ് കൂട്ടിച്ചേർത്തു