തിരുവനന്തപുരം:തൊഴിലും നൈപുണ്യവും വകുപ്പു മന്ത്രി à´Ÿà´¿.പി.രാമകൃഷ്ണന്റെ അടിയന്തര നിര്‍ദേശം പാലക്കാട് തൃത്താലയില്‍ മണ്ണിടിച്ചിലില്‍ മരണപ്പെട്ട à´’à´¡à´¿à´· സ്വദേശി ത്രിലോചന്‍ സുനാനിയുടെ കുടുംബത്തിന് സാന്ത്വനമാകുന്നു. ഒഡിഷയിലെ മിഥിലാപഥര്‍, കളബന്ദിയിലെ ദിജാപ്പൂര്‍ ഗുഡിയാലി പഥറില്‍ ത്രിലോചന്‍ സുനാനി നവംബര്‍ രണ്ടാം തിയതിയാണ് സ്വകാര്യ വ്യക്തിയുടെ പുരയിടത്തില്‍ ജോലി നോക്കവേ അപകടത്തില്‍ മരണമടഞ്ഞത്. കേരളപ്പിറവി ദിനത്തില്‍ തൊഴിലും നൈപുണ്യവും വകുപ്പ് നടപ്പാക്കിയ ആവാസ് പദ്ധതിയുടെ ആനൂകൂല്യങ്ങള്‍ ഇദ്ദേഹത്തിന്റെ കുടുംബത്തിന് അടിയന്തരമായി ലഭ്യമാക്കുന്നതിന് പാലക്കാട് ജില്ലാ ലേബര്‍  ഓഫീസര്‍ക്ക് (എന്‍ഫോഴ്‌സ്‌മെന്റ്) തൊഴിലും നൈപുണ്യവും വകുപ്പു മന്ത്രി à´Ÿà´¿.പി.രാമകൃഷ്ണന്‍  നിര്‍ദേശം നല്‍കി. മരണമടഞ്ഞ തൊഴിലാളിയുടെ ആശ്രിതരുടെ അപേക്ഷ ലഭ്യമാകുന്ന മുറയ്ക്ക് ആവാസ് പദ്ധതി പ്രകാരമുള്ള രണ്ടു ലക്ഷം രൂപ ബന്ധപ്പെട്ട ജില്ലാ ലേബര്‍ ഓഫീസര്‍ (എന്‍ഫോഴ്‌സ്‌മെന്റ്)വിതരണം ചെയ്യും. 

ഇതര സംസ്ഥാന തൊഴിലാളികള്‍ക്ക്  ഇന്ത്യയിലാദ്യമായി കേരള സര്‍ക്കാര്‍ നടപ്പാക്കിയ ഇന്‍ഷ്വറന്‍സ് പദ്ധതിയായ ആവാസില്‍ അംഗമാകുന്നതിന് ത്രിലോചന്‍ സുനാനി അപേക്ഷ സമര്‍പ്പിച്ചിരുന്നു. 2018 ജനുവരി ഒന്നു മുതലാണ് പദ്ധതിയില്‍ അംഗത്വമെടുക്കുന്നവര്‍ക്ക് ഇന്‍ഷ്വറന്‍സ് കമ്പനി മുഖേനയുള്ള ആനുകൂല്യ ലഭ്യമാകുന്നത്.