തിരുവനന്തപുരം: കേരളത്തില്‍ മാഗി നൂഡില്‍സിന്റെ വില്‍പ്പന സപ്ലൈകോ നിര്‍ത്തി വച്ചു. അനുവദനീയമായതിലും കൂടിയ തോതില്‍ രാസവസ്തുക്കളും ലെഡും കണ്ടെത്തിയെന്ന റിപ്പോര്‍ട്ടുകളെ തുടര്‍ന്നാണ് നടപടി. ഭക്ഷ്യ സിവില്‍ സപ്ലൈകോ മന്ത്രി അനൂപ് ജേക്കബാണ് ഉത്തരവിട്ടത്.

മാഗി നൂഡില്‍സിന്റെ പരസ്യ ചിത്രങ്ങളില്‍ അഭിനയിച്ച താരങ്ങള്‍ക്കെതിരെ കേസെടുക്കണമെന്ന് ബിഹാര്‍ കോടതി ഉത്തരവിട്ടതിനു പിന്നാലെയാണ് സപ്ലൈകോയുടെ നടപടി.

ബിഹാറിലെ മുസഫര്‍പൂര്‍ കോടതിയാണ് ഉത്തരവിട്ടിരിക്കുന്നത്. താരങ്ങളായ അമിതാഭ് ബച്ചന്‍, മാധുരി ദീക്ഷിത്, പ്രീതി സിന്റ എന്നിവര്‍ക്കെതിരെയാണ് നടപടി. മാഗിയുടെ ഉല്‍പാദകരായ നെസ്ലെയ്‌ക്കെതിരെയും നടപടിയെടുക്കാമെന്നും കോടതി വ്യക്തമാക്കിയിരുന്നു.