തിരുവനന്തപുരം:ശബരിമലയുടെ പ്രശസ്തിക്ക് നല്‍കുന്ന സേവനങ്ങളെ മാനിച്ച് സംസ്ഥാനത്ത് സര്‍ക്കാര്‍ നല്‍കിവരുന്ന ഹരിവരാസനം അവാര്‍ഡ് ഈ വര്‍ഷം പ്രശസ്ത ചലച്ചിത്ര പിന്നണിഗായകന്‍ എസ്.പി.ബാലസുബ്രഹ്മണ്യത്തിന് നല്‍കും.

ജൂണ്‍ 20 ന് ശനിയാഴ്ച രാവിലെ ഏഴിന് ശബരിമല ശ്രീധര്‍മ്മശാസ്ത്ര ക്ഷേത്ര ആഡിറ്റോറിയത്തില്‍ ദേവസ്വം വകുപ്പ് മന്ത്രി വി.എസ്.ശിവകുമാര്‍ പുരസ്‌കാരം സമ്മാനിക്കും. ഒരു ലക്ഷം രൂപയും പ്രശസ്തിപത്രവും ശില്പവും അടങ്ങുന്നതാണ് അവാര്‍ഡ്.