തൃശൂര്‍: താരങ്ങളെ തെരഞ്ഞെടുപ്പു ഗോദയിലിറക്കാനുള്ള സിപിഎം ശ്രമത്തിനെതിരെ പ്രതിഷേധം കനക്കുന്നു. വടക്കാഞ്ചേരിയില്‍ കെപിഎസി ലളിതയെ സ്ഥാനാര്‍ഥിയാക്കുന്നതിനെതിരേ ഡിവൈഎഫ്‌ഐയുടെ നേതൃത്വത്തില്‍ പ്രതിഷേധ പ്രകടനം നടന്നു. ലളിത എല്‍ഡിഎഫ് സ്ഥാനാര്‍ഥിയാകുന്നതിനെതിരെ കഴിഞ്ഞ ദിവസങ്ങളില്‍ വടക്കാഞ്ചേരിയില്‍ പോസ്റ്റര്‍ പ്രത്യക്ഷപ്പെട്ടിരുന്നു. ഇതിനു പിന്നാലെയാണ് ഇന്നു പ്രകടനം നടന്നത്.