നെടുമ്പാശ്ശേരിയില്‍ എയര്‍ പോര്‍ട്ടെന്ന ആശയംകെ. കരുണാകന്‍ ഉന്നയിച്ചപ്പോള്‍ അകത്തു നിന്നും പുറത്തു നിന്നും പരിഹാസ്യോദ്യകമായി  കരുണാകരനു നേരെ ഉയര്‍ന്ന ചോദ്യമായിരുന്നു ചതുപ്പു നിലത്തോ എയര്‍പോര്‍ട്ടു്  . എയര്‍പോര്‍ട്ടു് നിര്‍മ്മാണത്തിനാവശ്യമായ അതിഭീമമായ മൂലധന സമാഹരണം അസംഭവ്യമെന്നരൂക്ഷ വിമര്‍ശനവും കരുണാകരനു നേരെ ഉയരുകയുണ്ടായി. എന്നാല്‍ കരുണാകരന്‍ തന്റെ ആശയവുമായി മുന്നോട്ടു പോകുകയായിരുന്നു. അതിനു തക്കതായ കാരണവുമുണ്ടായിരുന്നു .1936ല്‍ ബ്രിട്ടീഷുകാര്‍ വെല്ലിംഗ്ടണ്‍ ഐലണ്ടില്‍ സ്ഥാപിച്ച എയര്‍സ്ട്രിപ്പായിരുന്നു കൊച്ചിക്കാര്‍ വ്യോമഗതാഗതത്തിനു് ആശ്രയിച്ചിരുന്നതു്ചെറയി വിമാനങ്ങള്‍ മാത്രം ഇറങ്ങാന്‍ കഴിയുന്ന ആ കൊച്ചു വിമാനത്താവളം വളര്‍ന്നുകൊണ്ടിരിക്കുയായിരുന്ന കൊച്ചിക്ക് തീരെ അപര്യപ്തവുമായിരുന്നു.കൊച്ചി ചേംബര്‍ ഓഫ് കോമേഴ്‌സ് പുതിയ വിമാനത്താവളത്തിനായി ശക്തമായി ആവശ്യമുന്നയിച്ചു. തന്റെ ശ്രദ്ധ പൂര്‍ണ്ണമായും വിനിയോഗിച്ചു കൊണ്ടു് കരുണാകരന്‍ പുതിയവിമാനത്താവളത്തിനായുള്ള നടപടികള്‍ ആലോചിച്ചു . തുടര്‍ന്നു് എറണാകുളംകലക്ടറായിരുന്ന വി.ജെ. കുര്യന്‍ ഐ.എ.എസിന്റെ റിപ്പോര്‍ട്ട് അംഗീകരിച്ചു കൊണ്ടു്public private partnership (PPP) ഘടനയില്‍ മൂലധന ശേഖരണത്തിനു് തീരുമാനെടുക്കുകയുണ്ടായി. പ്രാപ്തരായ 10000 വിദേശ ഇന്‍ഡ്യക്കാരില്‍ നിന്നും മൂലധനശേഖരണത്തിനുള്ള കര്‍മ്മ പരിപാടിക്ക് രൂപം നല്കി. 1993  ജൂലയില്‍ മുഖ്യമന്ത്രി കെ.കരുണാകരന്‍ ചെയര്‍മാനും വി.ജെ. കുര്യന്‍ മാനേജിംഗ് ഡയറക്ടറുമായി കൊച്ചിന്‍ ഇന്റര്‍നാഷണല്‍ എയര്‍പോര്‍ട്ടു് സൊസൈറ്റി രജിസ്റ്റര്‍ ചെയ്തു .1994മാര്‍ച്ചില്‍ കൊച്ചിന്‍ ഇന്റര്‍നാഷണല്‍ എയര്‍പോര്‍ട്ട് ലിമിറ്റഡ് എന്ന പൊതു മേഖലകമ്പനിക്ക് (CIAL) രൂപം നല്കി.

സ്വജനപക്ഷപാതത്തിനുള്ള ധനസമാഹരണം , സിയാലിനു വേണ്ടി വിദേശ ഇന്‍ഡ്യക്കാരില്‍ നിന്നും മൂലധനശേഖരണത്തിനു് നടപടികള്‍ ആരംഭിച്ചപ്പോള്‍ കരുണാകരനുനേരെ ഉയര്‍ന്ന ഏറ്റവും രൂക്ഷമായ വിമര്‍ശനം ഇതായിരുന്നു . അന്നു് വിദ്യാഭ്യാസ മന്ത്രിയായിരുന്ന ടി.എം ജേക്കബ്ബിന്റെ നേതൃത്വത്തില്‍ ഗള്‍ഫ് നാടുകളില്‍ മൂലധനശേഖരണത്തിനു്  പുറപ്പെട്ടപ്പോള്‍ കുടുംബത്തിനു വേണ്ടി പണപ്പിരിവിനു് തന്റെ വിശ്വസ്തനെ കരുണാകരന്‍ വിദേശത്തയച്ചുയെന്ന അതി ക്രൂരമായ ആരോപണത്തിനു്കരുണാകരന്‍ ഇരയായി . വന്‍ വിജയത്തോടെയാണു് ടി.എം.ജേക്കബ്ബിന്റെ നേതൃത്വത്തിലെ ടീം മടങ്ങി വന്നതു്. ആത്മവിശ്വാസത്തോടെയുള്ള അചഞ്ചല മുന്നേറ്റം കൊച്ചിന്‍ ഇന്റര്‍നാഷണല്‍ എയര്‍പോര്‍ട്ടെന്നസ്വപ്നം നെടുമ്പാശ്ശേരിയില്‍ യഥാര്‍ത്ഥ്യമായപ്പോള്‍ കരുണാകരന്‍  എന്ന ഭരണാധികാരി കേരളത്തിലെ സമാനതകളില്ലാത്ത ഭരണനേട്ടങ്ങളുടെ ഏക ചെങ്കോല്‍ധാരിയായി കഴിഞ്ഞിരുന്നു .

വിഴിഞ്ഞം തുറമുഖ പദ്ധതി ഭൂരിപക്ഷം മുതല്‍മുടക്കും സര്‍ക്കാരിനും , നടത്തിപ്പും. ലാഭവും സ്വകാര്യ കമ്പനിക്കും നല്കിയ തീരുമാനവും നടത്തിപ്പും കൂട്ടി വായിക്കുമ്പോളാണു് കെ. കരുണാകരന്‍ എന്ന മുഖ്യമത്രിയുടെ മാറ്റ് മലയാളി തിരിച്ചറിയുന്നതു്. കരിപ്പൂര്‍ വിമാനത്താവളത്തിന്റെ ദുരവസ്ഥയും, അടച്ചുപൂട്ടല്‍ സാഹചര്യവുംകണ്ണൂര്‍ വിമാനത്താവള നിര്‍മ്മാണത്തിന്റെ ഒച്ചോട്ടവും , കൊച്ചി മെട്രോയുടെ സ്തംഭനാവസ്ഥയും തീര്‍ച്ചയായും മലയാളിയെ ചിന്തിപ്പിക്കും കരണാകരനായിരു ന്നുവെങ്കിലെന്നു്. കരുണരഹിതമായി കരുണാകരനെ കല്ലെറിഞ്ഞവര്‍ ഇന്നു്ആത്മാര്‍ത്ഥമായി പശ്ചാത്തപിക്കുന്നണ്ടാവാം . കാലത്തിന്റെ ചുവരെഴുത്തുകള്‍വായിയ്ക്കാന്‍ കഴിയാതായ സ്വയം സൃഷ്ടിച്ചെടുത്ത അന്ധതയോര്‍ത്തു്.