തിരുവനന്തപുരം:  തിരുവനന്തപുരം നഗരം ഇപ്പോൾ പ്രകൃതിക്ക് ഹാനിയായ ഫ്ളക്സിന്റെ നീരാളിപ്പിടുത്തത്തിലാണ്. എവിടെ തിരിഞ്ഞാലും നമ്മളെനോക്കിച്ചിരിക്കുന്ന നേതാക്കളുടെ മുഖംഅച്ചടിച്ച ഫ്ളക്സുകളാണ്. ഒരുടുത്തുനിന്നു കണ്ടു മറ്റൊരിടത്തേക്ക് പോയാലും കാണാം ആകാഴ്ചയുടെ ആവർത്തനം.  നേതാക്കളുടെ വലിപ്പം പോലെ ഫ്ളക്സ് ബോർഡുകൾക്കും വലുപ്പം ഉണ്ടാകും.  രാഷ്ട്രീയ ശത്രുതയും മാധ്യമ ചർച്ചകളിൽ തമ്മിൽ തമ്മിൽ കടിച്ചുകീറാൻ നിൽക്കുന്നവർ ഈ ഫാക്സ് മാധ്യമത്തിൽ എന്ത് ഒത്തുരുമയോടെയാണ് ഈഗോ ഇല്ലാതെ സുസ്മേരവദനന്മാരായി റോഡിന്റെ ഓരത്ത് ഇടംപിടിച്ചിരിക്കുന്നത്. ജനങ്ങളെ വിവരം അറിയിച്ച് സന്തോഷിക്കാനാണ് ഈ പരിപാടിയെങ്കിൽ അത് ജനദ്രോഹമാണ്. ജീവന്റെ രക്ഷിതാവായ പ്രകൃതിക്ക് ഹാനിവരുത്തുന്ന ഈ മാധ്യമത്തിൽ മുഖം നൽകുന്നവർ അത് നിരസിച്ചുകൊണ്ടു മനുഷ്യനന്മയുടെ പ്രതീകമാകണം. ജനസേവകരായ ഒരു രാഷ്‌ടീയ നേതാവ് തീർച്ചയായും അത് ചെയ്യണം.