തിരുവനന്തപുരം : വൈലോപ്പിള്ളി സംസ്‌കൃതിഭവന്റെ പ്രതിമാസ സാംസ്‌കാരികോത്സവമായ  സംസ്‌കൃതിയുടെ ഈ മാസത്തെ പരിപാടിയില്‍ സെപ്റ്റംബര്‍  17 വെള്ളിയാഴ്ച  വൈകിട്ട്  5.30 ന് വൈലോപ്പിളളി സംസ്‌കൃതി ഭവന്‍ കൂത്തമ്പലത്തില്‍  'കണക്കു നാറാപിള്ള'എന്ന ഏകപാത്ര നാടകാവതരണം   നടക്കും.അനശ്വര കവി ഡോ.പുതുശേരി രാമചന്ദ്രന്റെ  പുതുവീട്ടില്‍ കണക്കു  നാറാപിള്ളയുടെ  ആത്മ പുരാണം എന്നകവിതയെ  അവലംബിച്ചെഴുതിയ സ്വതന്ത്ര നാടകമാണിത്.അലക്‌സ് വള്ളികുന്നം രചനയും   പ്രകാശ  സംഗീതാവിഷ്‌കാരവും  സംവിധാനവും നിര്‍വഹിക്കുന്ന നാടകം തിരുവനന്തപുരം ഒരിടം  തിയേറ്റര്‍ ആണ് അവതരിപ്പിക്കുന്നത്. നാടക പ്രവര്‍ത്തകനായിരുന്ന ജോസ് ചിറമ്മലിന്റെ പതിനഞ്ചാം  ചരമ  വാര്‍ഷികാത്തോടനുബന്ധിച്ച് സമര്‍പ്പിക്കുന്ന  നാടകത്തില്‍ ബൈജു പൂജപ്പുര  ആണ്  കഥാപാത്രമായി  രംഗത്ത് എത്തുന്നത്. മേക്കപ്പ്: ജയന്‍ തൊഴുവന്‍കോട്. സാങ്കേതികസഹായം: ജൂലിന്‍ അലക്‌സ്. സംഗീത സഹായം:രാജീവ് നിസര.സ്റ്റേജ് മാനേജര്‍: മേരി നൈനാന്‍. സംഗീതനിര്‍വ്വഹണം:ജെസിന്‍. പ്രകാശനിര്‍വ്വഹണം: എ കെ സുജിത്.സഹായം: അനില്‍ ദേവസ്യ.വേഷവിതാനം, രംഗസജ്ജീകരണം :അനില്‍  മീഡിയ .പി.ആര്‍.ഒ: റഹിം പനവൂര്‍