തിരുവനന്തപുരം:കേരള സംസ്ഥാന കരകൗശല വികസന കോര്‍പ്പറേഷന്റെ കേന്ദ്ര വിപണന സ്ഥാപനമായ എസ്.എം.എസ്.എം. ഇൻസ്റ്റിറ്റ്യുട്ടിൽ ഓണത്തിനോടനുബന്ധിച്ച് ആഗസ്റ്റ് അഞ്ച് മുതല്‍ 27 വരെ കരകൗശല കൈത്തറി പ്രദര്‍ശന വിപണനമേള ഓണം ക്രാഫ്റ്റ്‌ഫെസ്റ്റ് 2015 സംഘടിപ്പിക്കുന്നു.

ഹൈദ്രാബാദ് മുത്തു കൊണ്ടുള്ള ആഭരണങ്ങള്‍, ജയ്പ്പൂര്‍ കിടക്ക വിരികള്‍, ആദിവാസി കരകൗശല ഉല്‍പ്പന്നങ്ങള്‍, ചന്ദനമുട്ടി, ചന്ദനത്തൈലം, രുദ്രാക്ഷമാല തുടങ്ങിയവയും മേളയുടെ ആകര്‍ഷകങ്ങളാണ്. മേളയോടനുബന്ധിച്ച് ഞായറാഴ്ചയും രാവിലെ ഒമ്പത് മണിമുതല്‍ രാത്രി എട്ട് മണിവരെ ഷോറൂം തുറന്നു പ്രവര്‍ത്തിക്കും. എല്ലാ പ്രദര്‍ശന വസ്തുക്കള്‍ക്കും 10 ശതമാനം പ്രത്യേക കിഴിവുണ്ട്.