തിരുവനന്തപുരം: മോഹൻലാൽ എവിടെയും തന്റെ സിനിമ ചരിത്രം പറഞ്ഞാൽ ആദ്യ ചിത്രം പുറത്തിറങ്ങാത്ത  തിരനോട്ടമാണെന്നു പറയാതിരിക്കില്ല. എന്നാൽ അനൂപ് മേനോൻ തന്റെ ആദ്യ ചിത്രം കാട്ടുചെമ്പകമാണെന്ന് പറയില്ല. ഞാൻ സംവിധാനം ചെയ്ത അരോമ മണി നിർമിച്ച ആ ചിത്രത്തിലൂടെയാണ് സീരിയൽ നടനായിരുന്നു അനൂപ് മേനോൻ സിനിമയിലേക്കെത്തിയത്. രണ്ടാഴ്ച മാത്രം ഓടിയ ആ സിനിമ ബോക്സ് ഓഫീസിൽ വിജയിച്ചില്ല.അതുകൊണ്ടാകാം കാട്ടുചെമ്പകം തന്റെ ആദ്യ സിനിമയായിപ്പറയാൻ അനൂപ് മടിക്കുന്നത്. അത് അപ്പോൾ കാണുന്നവനെ അപ്പനെന്ന് വിളിക്കുന്ന ഒരേർപ്പാടാണെന്ന് ഒരു മലയാള ദൃശ്യമാധ്യമ പരിപാടിയിൽ വിനയൻ പറഞ്ഞു.