ഹൊറര്‍ മൂവി 'രാ' യുടെ ഫസ്റ്റ് ലുക്ക് പോസ്റ്റര്‍ റിലീസ് ചെയ്തു.  പ്രേക്ഷക ശ്രദ്ധ നേടിയ  പൃഥ്വിരാജ് ചിത്രം 'എസ്ര'യ്ക്ക് ശേഷം  തിരക്കഥാകൃത്ത് മനുഗോപാലിന്റെ രചനയില്‍ സംവിധായകന്‍ കിരണ്‍ മോഹന്‍ ഒരുക്കുന്ന  ഹൊറര്‍ മൂവി 'രാ' യുടെ ഫസ്റ്റ് ലുക്ക് പോസ്റ്റര്‍ 8 ശനിയാഴ്ച വൈകിട്ട് 6ന് പുറത്തുവിട്ടു. സോഷ്യല്‍ മീഡിയയിലൂടെ റിലീസ് ചെയ്ത പോസ്റ്ററിന് മികച്ച പ്രതികരണങ്ങള്‍ ലഭിച്ചു കഴിഞ്ഞു.                                                                                    

തമിഴില്‍  'ബ്രഹ്മപുരി' എന്ന പേരില്‍ റിലീസ് ചെയ്യാനിരിക്കുന്ന പുതിയ ചിത്രത്തിന്റെസംവിധായകന്‍ കിരണ്‍ തമിഴിലെ പ്രമുഖ സംവിധായകന്‍ പാര്‍ത്ഥിപന്റെ സഹസംവിധായകനായിരുന്നു.  'ഒലാലാ' യാണ് ചിത്രത്തിന്റെ നിര്‍മ്മാണം. സിനിമയുടെ കൂടുതല്‍ വിശദാംശങ്ങള്‍ അണിയറ പ്രവര്‍ത്തകര്‍ പുറത്ത് വിട്ടിട്ടില്ല.