പ്രിയദർശൻ സംവിധാനം ചെയ്യുന്ന തമിഴ് ചിത്രത്തിന്റെ നിര്മ്മാണ പങ്കാളിത്തം ഏറ്റെടുത്തുകൊണ്ട് നടി അമലപോൾ സിനിമയിൽ മറ്റൊരുച്ചുവടുവയ്ക്കുകയാണ്.    പ്രിയന്റെ സഹായിയായി പ്രവര്ത്തിക്കുകയും പിന്നീട് സ്വതന്ത്ര സംവിധായകനാവുകയും അമലയെ താലിചാർത്തി മലയാളത്തിന്റെ മരുമാകനാവുകയും ചെയ്ത എ എൽ വിജയിയുടെ ഉടമസ്ഥതയിലുള്ള ബിഗ്‌ തിങ്ക്‌ സ്റ്റുഡിയോസാണ് ചിത്രം നിര്മിക്കുന്നത്.   ഈ   ചിത്രത്തിൽ അമലയുടെ സാന്നിദ്ധ്യം ഇല്ലെങ്കിലും ടൈറ്റിൽ കാർഡിൽ നിര്മ്മാതാവായി എ എൽ അളഗപ്പന്റെ പേരിനൊപ്പം അമലപോളിന്റെ പേരും  തെളിയും.

പേരിടാത്ത ചിത്രത്തിലെ പ്രധാന താരങ്ങളായ  പ്രകാശ് രാജ്, ശ്രേയ റെട്ടി എന്നിവര്ക്കുപുറമേ ലോകോത്തര സിനിമാട്ടോഗ്രാഫറായ സന്തോഷ്‌ ശിവൻ,കലാസംവിധായകനായ സാബുസിറിൽ എന്നിവരും പ്രിയനൊപ്പം ചിത്രത്തിൽ സഹകരിക്കും.  ബിഗ്‌ ബജറ്റിൽ ഒരുക്കുന്ന ഈ ചിത്രം പ്രിയന്  വിജയ്‌ നല്കുന്ന  ഗുരുദക്ഷിണയായി കണക്കാക്കാം.  ആഗസ്റ്റിൽ ച്ത്രീകരണം ആരംഭിക്കും.