കെ. എസ്. നായര്‍, ഡോ. അനിത ഹരി
'ഇര' എന്ന് കേള്‍ക്കുമ്പോള്‍ തന്നെ ഒരു പെണ്ണിന്റെ ചിത്രമാണ് ആദ്യം  മനസ്സിലെത്തുക.പക്ഷേ, എത്രയോ ആണുങ്ങള്‍ തനി 'ഇര 'കളായി തീരുന്നുണ്ട്?. മറ്റൊരു വ്യത്യസ്ത ചെറു ചിത്രവുമായി കര്‍ട്ടന്‍ റയ്‌സര്‍ എത്തുന്നു. 'ഇര ' സ്ത്രീലിംഗമല്ല എന്ന അരമണിക്കൂര്‍ ചിത്രം രചിച്ചു സംവിധാനം ചെയ്തത് ഹ്രസ്വ  സിനിമകളില്‍ ഒട്ടനവധി പുരസ്‌കാരങ്ങള്‍ നേടിയ സതീഷ് പി. കുറുപ്പ് ആണ് . വാര്‍ധക്യത്തിന്റെ ഏകാന്തതയ്ക്കും വീര്‍പ്പുമുട്ടലുകള്‍ക്കുമിടയില്‍,  ചില പീഡനകഥകളുടെ സത്യാവസ്ഥകളിലേക്കും വെളിച്ചം വീശുന്ന സമകാലിക പ്രസക്തിയുള്ള ഇതിവൃത്തം കര്‍ട്ടന്‍ റയ്‌സിറില്‍ അഭിനയ പരിശീലനം നേടിയ അഭിനേതാക്കളിലൂടെ അവതരിപ്പിച്ചിരിക്കയാണ്  സതീഷ്. ഈ ചിത്രത്തിന്റെ നിര്‍മാതാവു കൂടിയായ  കെ.എസ്. നായര്‍  ഉണ്ണിമേനോന്‍ എന്ന കേന്ദ്ര കഥാപാത്രത്തെ അവതരിപ്പിക്കുന്നു.ബിജുരാജ് , ഗീതാ നായര്‍, കുമാരി അനാമിയ അഞ്ചല്‍, ഡോ .അനിതാ ഹരി, പ്രവീണ്‍, അനന്തകുമാര്‍ എന്നിവരാണ് മറ്റു അഭിനേതാക്കള്‍ .