ലണ്ടൻ:വിമ്പിള്‍ഡള്‍ഡണ്‍ വനിതാ ഡബിള്‍സില്‍ സാനിയ മിര്‍സമാര്‍ട്ടിന ഹിംഗിസ് സഖ്യത്തിന് കിരീടം. ഫൈനലില്‍ റഷ്യയുടെ എകാത്തറീന മകറോവഎലേന വെസ്‌നിന ജോഡിയെയാണ് ഇവര്‍ പരാജയപ്പെടുത്തിയത്. സ്‌കോര്‍: (5-7, 7-6, 7-5).

ആദ്യമായാണ് ഗ്രാന്‍സ്ലാം ടൂര്‍ണമെന്റുകളില്‍ സാനിയ ഡബിള്‍സ് കിരീടം നേടുന്നത്. നേരത്തെ മൂന്നുവട്ടം മിക്‌സഡ് ഡബിള്‍സ് കിരീടം നേടിയിട്ടുണ്ട്. മാര്‍ട്ടിന ഹിംഗിസ് മൂന്നാം തവണയാണ് വിംബിള്‍ഡണില്‍ ഡബിള്‍സ് കിരീടം സ്വന്തമാക്കുന്നത്.

വാശിയും ഊര്‍ജസ്വലതയും പുറത്തെടുത്ത വെസ്‌നിനമകറോവ ജോഡി ആദ്യ സെറ്റ് 5-7ന്  സ്വന്തമാക്കുകയും ചെയ്തു. രണ്ടാം സെറ്റില്‍ തിരിച്ചുവന്ന സാനിയമാര്‍ട്ടിന സഖ്യം ടൈബ്രക്കറിലൂടെ സെറ്റ് സ്വന്തമാക്കുകയായിരുന്നു. മൂന്നാം സെറ്റില്‍ ഒരു ഘട്ടത്തില്‍ 5-2ന് റഷ്യന്‍ ജോഡി മുന്നില്‍ക്കയറിയെങ്കിലും തുടരെ  ഗെയിമുകള്‍ നേടി സാനിയമാര്‍ട്ടിന  കിരീടം സ്വന്തമാക്കുയായിരുന്നു.

പുരുഷ വിഭാഗം ഡബിള്‍സില്‍ ജെയ്മി മറെജോണ്‍ പീര്‍സ് ജോഡിയെ 7-6, 6-4, 6-4ന് പരാജയപ്പെടുത്തി ജൂലിയന്‍ റോജര്‍ഹോറിയ ടെക്കാവു സഖ്യം കിരീടം നേടി.