കോവിഡ് വ്യാപനത്തില്‍ പട്ടിണിയിലായവരെ സഹായിക്കാനാണ് അജു സജീവമായി രംഗത്തിറങ്ങിയത്. ആര്യനാട് , വിതുര  പഞ്ചായത്തുകളില്‍ കോവിഡ് പോസിറ്റീവ് ആയവരുടെ സഹായത്തിനും അജു  ഉണ്ടായിരുന്നു. അവശതയില്‍ കഴിഞ്ഞ ഒട്ടേറെ പേരെ അനാഥാലയങ്ങളിലും വൃദ്ധസദനങ്ങളിലും എത്തിക്കാന്‍ അജുവിന് കഴിഞ്ഞിട്ടുണ്ട്.

 

തെരുവില്‍ കഴിയുന്നവരെ പുനരധിവാസ കേന്ദ്രത്തിലേക്ക് മാറ്റാന്‍ അധികൃതര്‍  നടപടി സ്വീകരിക്കാത്തതിനെതിരെ  തോര്‍ത്ത് വിരിച്ചു കിടന്ന് അജു സമരം നടത്തിയിരുന്നു.  തമ്പാനൂരില്‍ മുമ്പ്  മാലിന്യം ഒഴുകി ദുര്‍ഗന്ധം ഉണ്ടായപ്പോള്‍ അജു നടുറോഡില്‍ കിടന്ന് പ്രതിഷേധിച്ചതും  വാര്‍ത്തയായിരുന്നു. കഴക്കൂട്ടം- കാരോട് ബൈപ്പാസില്‍ ഇഞ്ചയ്ക്കല്‍  മുതല്‍ പരുത്തിക്കുഴി വരെ റോഡ് അടച്ചപ്പോള്‍ ജോലികള്‍ പൂര്‍ത്തിയാക്കി ഉടന്‍ തുറക്കണമെന്ന് ആവശ്യപ്പെട്ട് ഒറ്റയാള്‍ സമരം നടത്തിയിട്ടുണ്ട്.പെട്രോള്‍  വില വര്‍ധനവിന്  എതിരായി  തോര്‍ത്തുടുത്ത്  പെട്രോള്‍ പമ്പിനു  മുന്നില്‍ ഒറ്റക്കാല്‍ സമരം നടത്തിയും ഈ യുവാവ്  ശ്രദ്ധ നേടിയിരുന്നു.