തിരുവനന്തപുരം : ഹിന്ദു ധര്‍മ്മ പരിഷത്തിന്റെ ആഭിമുഖ്യത്തില്‍ തിരുവനന്തപുരം പുത്തരിക്കണ്ടം മൈതാനത്ത്   നടക്കുന്ന  പന്ത്രണ്ടാമത് അനന്തപുരി ഹിന്ദുമഹാസമ്മേളനത്തോടനുബന്ധിച്ച്   കലാനിധി  സെന്റര്‍ ഫോര്‍ ഇന്ത്യന്‍ ആര്‍ട്‌സ് ആന്‍ഡ് കള്‍ച്ചറല്‍  ഹെറിറ്റേജ് ട്രസ്റ്റ്   അനന്തജ്യോതി പുരസ്‌കാര സമര്‍പ്പണം നടത്തി.തിരുവിതാംകൂര്‍ രാജകുടുംബാംഗം  ആദിത്യവര്‍മ്മ  ഉദ്ഘാടനം നിര്‍വഹിച്ചു .കലാനിധി ട്രസ്റ്റ് ചെയര്‍പേഴ്‌സണ്‍ ഗീതാ രാജേന്ദ്രന്‍ അധ്യക്ഷത വഹിച്ചു .ബി. സന്ധ്യ മുഖ്യ അതിഥിയായിരുന്നു.ആദിത്യ വര്‍മ്മ, , ചെങ്കല്‍ എസ്. രാജശേഖരന്‍ നായര്‍,ജി. കൃഷ്ണകുമാര്‍, കാര്‍ത്തികേയന്‍ നായര്‍, മുക്കംപാലമൂട് രാധാകൃഷ്ണന്‍, രമേശ്  റാം  എന്നിവര്‍ക്കും  കുഞ്ചപുരം സെന്റ് മാത്യൂസ് നഴ്‌സറി സ്‌കൂളിനും  പുരസ്‌കാരം  സമര്‍പ്പിച്ചു . വിശിഷ്ട വ്യക്തികള്‍ക്ക് ഓണവില്ലും സമ്മാനിച്ചു.അഡ്വ. വി. വി. രാജേഷ്,, കിരീടം ഉണ്ണി, റഹിം പനവൂര്‍, ഗോപന്‍ ശാസ്തമംഗലം, വി. കെ. ഹരികുമാര്‍ , സരിന്‍ ശിവന്‍ തുടങ്ങിയവര്‍ സംസാരിച്ചു . പിന്നണി ഗായകരും ചലച്ചിത്ര- മിനിസ്‌ക്രീന്‍ താരങ്ങളും കലാനിധി പ്രതിഭകളും അവതരിപ്പിച്ച  സംഗീത നൃത്തശില്പവും  അരങ്ങേറി.