തിരുവനന്തപുരം: ഭാരത് ഭവനില്‍ അരങ്ങേറിയ ഓട്ടന്‍തുള്ളലിന്റെ അവതരണം കലാസ്വാദകര്‍ക്ക് പുത്തന്‍ അനുഭവമായി.കലാമണ്ഡലം സുരേഷ് കാളിയത്തും സംഘവുമാണ് à´“'ന്‍തുള്ളല്‍ അവതരിപ്പിച്ചത്. കേരള സര്‍ക്കാരിന്റെ സാംസ്‌കാരിക വിനിമയ കേന്ദ്രമായ ഭാരത് ഭവനും,ഇന്ത്യന്‍ കൗൺസില്‍ ഫോര്‍ കള്‍ച്ചറല്‍ റിലേഷന്‍സും സംയുക്തതമായാണ് കല്യാണ സൗഗന്ധികം ഓട്ടന്‍തുള്ളല്‍ സംഘടിപ്പിച്ചത്. നിറഞ്ഞ സദസ്സിനെ സാക്ഷി നിര്‍ത്തി വൈകുന്നേരം 6 മണിയോടെയായിരുന്നു ഓട്ടന്‍തുള്ളല്‍ അരങ്ങേറിയത്. ഭാരത് ഭാരത് മെമ്പര്‍ സെക്രട്ടറി പ്രമോദ് പയ്യന്നൂർ  ആമുഖഭാഷണം നടത്തിയ ചടങ്ങില്‍ ഐസിസിആർ റീജിയണല്‍ ഓഫീസര്‍ മധൂര്‍ കങ്കണ റോയി കലാകാരന്മാരെ പൊന്നാട അണിയിച്ച് ആദരിച്ചു. പുതുമയാര്‍ന്ന ശൈലിയില്‍ കല്യാണ സൗഗന്ധികം അവതരിപ്പിച്ച സുരേഷ് കാളിയത്തിനൊപ്പം വോക്കലില്‍ കലാമണ്ഡലം മോഹനകൃഷ്ണനും, കലാമണ്ഡലം നയനനും, മൃദംഗത്തില്‍ കലാമണ്ഡലം രാജീവ് ആര്‍.നായരും അരങ്ങിലെത്തി.