തിരുവനന്തപുരം കേന്ദ്രമാക്കി പ്രവര്‍ത്തിക്കുന്ന നിത്യഹരിത കള്‍ച്ചറല്‍ ആന്റ് ചാരിറ്റബിള്‍ സൊസൈറ്റി കലാ-കാരുണ്യ പ്രവര്‍ത്തനങ്ങളുടെ ഭാഗമായി ഹരിതോത്സവം സ്റ്റേജ്‌ഷോ വേദികളില്‍ അവതരിപ്പിച്ചു തുടങ്ങി. ആനയറ മഹാരാജാ ഗാര്‍ഡന്‍സ് റസിഡന്റ്‌സ് അസോസിയേഷന്റെ 20-ാം വാര്‍ഷികത്തോടും കുടുംബസംഗമത്തോടും അനുബന്ധിച്ച് ഹരിതോത്സവം അവതരിപ്പിച്ചു. ചലച്ചിത്ര-ടിവി നടനും സൊസൈറ്റി രക്ഷാധികാരിയുമായ വഞ്ചിയൂര്‍ പ്രവീണ്‍കുമാര്‍, ഗായകരായ ഹാഷിംഷാ, രാജപ്പന്‍ മാങ്കോട്, സെബാസ്റ്റ്യന്‍.ജെ, ആദിത്യാ സുരേഷ്, ശ്രീരാജ് എം.ആര്‍, നര്‍ത്തകിമാരായ അനുഗ്രഹ ബിനു, അനാമിക ബിനു, മിമിക്രി ആര്‍ട്ടിസ്റ്റുകളായ അച്ചു മാങ്കോട്, രതീഷ് ഇലഞ്ഞൂര്‍, ചലച്ചിത്ര ടിവി താരം നിജി സിറാജ്, വിവിധ കലാപ്രകടനങ്ങള്‍ നടത്തി ശ്രദ്ധേയയായ അബിന എ.ബിനു എന്നിവര്‍ പരിപാടികള്‍ അവതരിപ്പിച്ചു.

  

സിനിമ പി.ആര്‍.ഒ.യും നിത്യഹരിത സൊസൈറ്റി പ്രസിഡന്റുമാരായ റഹിം പനവൂര്‍ ആണ് സ്റ്റേജ് ഷോയുടെ സംവിധായകന്‍. രമേഷ്ബിജു ചാക്ക ആണ് കോ-ഓര്‍ഡിനേറ്റര്‍. ഉണ്ണി മാധവ്, വിഷ്ണു കോട്ടയ്ക്കല്‍, സുരേഷ് എന്നിവരാണ് സാങ്കേതിക സഹായികള്‍. ചലച്ചിത്ര-ടിവി താരങ്ങളെയും സൊസൈറ്റി അംഗങ്ങളെയും ഉള്‍പ്പെടുത്തി പുതുമയുടെ ദൃശ്യ കലോപഹാരമായി ഇന്ത്യയിലും വിദേശരാജ്യങ്ങളിലും സ്റ്റേജ് ഷോകള്‍ നടത്താനാണ് തീരുമാനിച്ചിട്ടുള്ളതെന്നും ഇതില്‍ നിന്നും കിട്ടുന്ന പ്രതിഫലത്തിന്റെ ഒരു വിഹിതം കലാ-കാരുണ്യ പ്രവര്‍ത്തനങ്ങള്‍ക്കായി മാറ്റിവയ്ക്കുമെന്നും റഹിം പനവൂര്‍ പറഞ്ഞു.