ഇന്‍ഫര്‍മേഷന്‍പബ്ലിക് റിലേഷന്‍സ് വകുപ്പിന്റെ നേതൃത്വത്തില്‍ സംഘടിപ്പിക്കുന്ന ദേശീയ നാടകോത്സവത്തിലേക്ക് എന്‍ട്രികള്‍ ക്ഷണിച്ചു.

കേരളത്തിലേയും മറ്റു സംസ്ഥാനങ്ങളിലേയും സമിതികള്‍ക്ക് എന്‍ട്രികള്‍ അയക്കാം. ഇന്‍ഡ്യയിലെ എല്ലാ ഭാഷകളിലും ഇംഗ്ലീഷിലുമുള്ള നാടകങ്ങള്‍ അവതരിപ്പിക്കാവുന്നതാണ്. ദേശീയ നാടകോത്സവ സെലക്ഷന്‍ കമ്മിറ്റിയാണ് നാടകങ്ങള്‍ തെരഞ്ഞെടുക്കുക.

മുന്‍വര്‍ഷം അവതരണാനുമതി ലഭിച്ച സമിതികള്‍ക്കും നാടകങ്ങള്‍ക്കും തൊട്ടടുത്തവര്‍ഷം അവതരണാനുമതിയില്ലാത്തതിനാല്‍ കഴിഞ്ഞവര്‍ഷം നാടകോത്സവത്തില്‍ പങ്കെടുത്ത സമിതികള്‍ക്ക് ഇപ്രാവശ്യം അപേക്ഷിക്കാന്‍ അര്‍ഹതയുണ്ടാവില്ല. നാടക സമിതിയുടേയും നാടകത്തിന്റേയും വിശദാംശങ്ങളോടൊപ്പം നാടകാവതരത്തിന്റെ സി.ഡി പകര്‍പ്പും സമര്‍പ്പിക്കേണ്ടതാണ്.

താത്പര്യമുള്ളവര്‍ കള്‍ച്ചറല്‍ ഡവലപ്‌മെന്റ് ഓഫീസര്‍, ഇന്‍ഫര്‍മേഷന്‍പബ്ലിക് റിലേഷന്‍സ് വകുപ്പ്, സെക്രട്ടേറിയേറ്റ്, തിരുവനന്തപുരം എന്ന വിലാസത്തില്‍ ഒക്ടോബര്‍ 31 നകം അപേക്ഷിക്കണം.  à´‡-മെയില്‍ : sbahuleyannair@gmail.com ഫോണ്‍ : 09496003242.