തിരുവനന്തപുരം:എന്തൊക്കെ കാരണങ്ങൾ  ഉണ്ടായാലും തനിക്കു ലഭിച്ച ദേശീയ അംഗീകാരങ്ങൾ ഒരിക്കലും തിരിച്ചു നല്കില്ലെന്ന് നടിയും നർത്തകിയുമായ ശോഭന പറഞ്ഞു.  തിരുവനന്തപുരം പ്രസ്സ്ക്ലബിൽ മീറ്റ്‌ ദി പ്രസ്സിൽ പങ്കെടുക്കുക ആയിരുന്നു ശോഭന.  

തനിക്ക്  കിട്ടിയ  അംഗീകാരങ്ങൾ തന്റെ  കഴിവിന്റെ അടയാളമാണ്.  അതുപോലെ മറ്റുള്ളവർക്ക്  കിട്ടിയ  അംഗീകാരങ്ങൾ  എങ്ങനെ  ഉപേക്ഷിക്കാൻ സാധിക്കുന്നു  എന്ന് തനിക്ക് അറിയില്ലെന്നും  ശോഭന പറഞ്ഞു.

സൂര്യ മ്യുസിക് ആൻഡ്‌ ഡാൻസ് ഫെസ്റിവലിൽ നൃത്തം അവതരിപ്പിക്കാനാണ് ശോഭന തലസ്ഥാനത്ത് എത്തിയത്‌.   സൂര്യ വേദിയിൽ തുടർച്ചയായി  ഇരുപത്തഞ്ചാമത്തെ പ്രാവിശ്യമാണ് ശോഭന നൃത്തം ചെയ്യുന്നത്.  സൂര്യ കൃഷ്ണമൂര്ത്തി,പ്രസ്സ്ക്ലബ് സെക്രട്ടറി എസ്. എൽ. ശ്യാം,ജോയിന്റ് സെക്രട്ടറി നിസ്സാര് മുഹമ്മദ്‌ എന്നിവര് സംസാരിച്ചു.