തിരുവനന്തപുരം:സംഗമിത്ര ഫൈൻ ആർട്സ് സൊസൈറ്റി ചിത്രരചനാ മത്സരവും ത്രിദിന ചിത്ര പ്രദർശനവും സംഘടിപ്പിക്കുന്നു. രാജാരവി വർമ്മയുടെ 168 ആം ജന്മദിനത്തോടനുബന്ധിച്ചാണ് സ്കൂൾ കുട്ടികൾക്കായി മത്സരവും പ്രമുഖ ചിത്രകാരന്മാരുടെ പ്രദർശനവും സംഘടിപ്പിക്കുന്നത്.  മെയ് 11  രാവിലെ 9.30 നു മ്യുസിയം ആഡിറ്റോറിയത്തിലാണ് പരിപാടികൾ.  ചിത്ര രചനാ മത്സരത്തിൽ പങ്കെടുക്കേണ്ടവർ അന്ന് രാവിലെ ഒമ്പത് മണിക്ക് മ്യുസിയം ആഡിറ്റോറിയത്തിൽ എത്തി പേര് രജിസ്റ്റർ ചെയ്യണമെന്ന് സംഘാടകർ അറിയിച്ചു.  മൂന്ന് ദിവസം നീളുന്ന ചിത്ര പ്രദർശനം 13 നു സമാപിക്കും.