ന്യൂഡല്‍ഹി: ടാറ്റ സണ്‍സ് ഗ്രൂപ്പില്‍നിന്ന് സൈറസ് മിസ്ത്രി രാജിവച്ചു. ടിസിഎസ് തലപ്പത്തുനിന്ന് മിസ്ത്രിയെ പുറത്താക്കുന്നതിനെ അനുകൂലിച്ച് പ്രത്യേക ജനറല്‍ബോഡി യോഗത്തില്‍ ഓഹരിയുടമകള്‍ വോട്ട് ചെയ്തിരുന്നു. കൂടാതെ, മറ്റു മൂന്നു കമ്പനികളും മിസ്ത്രിയെ പുറത്താക്കുന്നതിനെ അനുകൂലിച്ചു. ഇതേതുടര്‍ന്നാണ് കമ്പനിയില്‍നിന്നു രാജിവയ്ക്കാന്‍ മിസ്ത്രി തീരുമാനിച്ചത്.  ടിസിഎസിന്റെ 73 ശതമാനം ഓഹരിയും ടാറ്റാ സണ്‍സിന്റെ കൈവശമുള്ളതിനാല്‍ മിസ്ത്രി പുറത്താകുമെന്ന് ഉറപ്പായിരുന്നു.