രണ്ട് സുഹൃത്തുക്കള്‍ തമ്മിലുള്ള ആത്മബന്ധത്തിന്റെ കഥ പറയുന്ന ഹ്രസ്വ ചിത്രമാണ് സഹയാത്രികന്‍. സൗഹൃദത്തിന്റെ ഉദാത്ത മാതൃക ഈ ചിത്രത്തിലൂടെ അവതരിപ്പിക്കുന്നു. ബാബുജോസ് ആണ് ചിത്രത്തിന്റെ സംവിധായകന്‍. ഹൃദയാ പ്രൊഡക്ഷന്‍സിന്റെ ബാനറില്‍ നിര്‍മിച്ച ഈ ചിത്രത്തിന്റെ രചനയും ഗാനരചനയും നിര്‍വഹിച്ചത് രജി ഏദന്‍ ആണ്.

 

ശ്യാംലാല്‍, പ്രിന്‍സ്, മാസ്റ്റര്‍ അനൂപ്, മാസ്റ്റര്‍ ഹാമിന്‍ ഹാഫിസ്, കോലപ്പന്‍ ആചാരി, ഷേര്‍ളി തുടങ്ങിയവരാണ് പ്രധാന താരങ്ങള്‍. ഡി വൈ എസ് പി വേലായുധന്‍ നായരുടെ മകനായ ശ്യാംലാല്‍ എഞ്ചിനീയറിംഗ് വിദ്യാര്‍ത്ഥിയാണ്. പഴകുറ്റി പുഷ്പരാജിന്റെ മകനായ പ്രിന്‍സ് ഡിഗ്രി വിദ്യാര്‍ത്ഥിയാണ്. പുതുമുഖ നടന്മാരാണ് ഇരുവരും. പെരിങ്ങമ്മലയിലും പരിസര പ്രദേശങ്ങളിലുമായാണ് ഈ ഹ്രസ്വ ചിത്രത്തിന്റെ ചിത്രീകരണം നടന്നത്. ഛായാഗ്രഹണം : കമല്‍രാജ് ശ്രീകമലം. സംഗീതം : ബാബു ജോസ്. ആലാപനം : രശ്മി വിക്രം. ചമയം : വിജയന്‍ പനവിള. പിആര്‍ഒ : റഹിം പനവൂര്‍. സാങ്കേതിക സഹായം : ഹരി മുക്കോലയ്ക്കല്‍, ശ്രീകുമാര്‍ അരശുപറമ്പ്.