തിരുവനന്തപുരം കേന്ദ്രമാക്കി മൂവി ലവേഴ്‌സ് അസോസിയേഷന്‍ എന്ന സംഘടന പ്രവര്‍ത്തനം ആരംഭിച്ചു. അംഗങ്ങള്‍ക്ക് സിനിമയുമായി ബന്ധപ്പെട്ടു പ്രവര്‍ത്തിക്കാന്‍ വേദിയൊരുക്കുക എന്നതാണ് കൂട്ടായ്മയുടെ ലക്ഷ്യമെന്ന് അസോസിയേഷന്‍ മുഖ്യ സംഘാടകനായ സതീഷ് പി.കുറുപ്പ് പറഞ്ഞു. അസോസിയേഷന്റെ പ്രാഥമിക യോഗത്തില്‍ ബാബു ഫുട്ട് ലൂസേഴ്‌സ്, റഹിം പനവൂര്‍ തുടങ്ങിയവര്‍ സംസാരിച്ചു. ദിലീഷ് പി., അലി കാക്കനാട്, ബാബു ഫുട്ട് ലൂസേഴ്‌സ്, അരവിന്ദ് വി.കെ, ജയരാജ്, കാര്‍ത്തിക എന്നിവരെ ചേര്‍ത്ത് അസോസിയേഷന്റെ ഉപദേശക സമിതി രൂപീകരിച്ചു. കര്‍ട്ടണ്‍ റെയ്‌സര്‍ എന്ന അഭിനയ പരിശീലന കേന്ദ്രത്തിന്റെ മാനേജിംഗ് ഡയറക്ടര്‍ കൂടിയാണ് സതീഷ് പി.കുറുപ്പ്.