കെ.എസ്.ഹരിഹരന്‍ രചനയും സംവിധാനവും നിര്‍വ്വഹിക്കുന്ന ടെലിഫിലിമാണ് ധര്‍മ്മസാര്‍ത്ഥകം. ആധുനിക ഉപഭോഗ സംസ്‌കാരത്തില്‍പ്പെട്ട് ഉഴലുന്ന ധര്‍മ്മന്‍ എന്ന കൂലിപ്പണിക്കാരന്റെയും അയാളുടെ കുടുംബത്തിന്റെയും കഥയാണ് ഈ ടെലിഫിലിമിലൂടെ പറയുന്നത്. മലബാര്‍ സില്‍ക്‌സ് ഉടമ ഹസ്സന്‍ പെരിന്തല്‍മണ്ണ ആണ് നിര്‍മ്മാതാവ്. മിമിക്രിതാരം ഉണ്ണി പെരിന്തല്‍മണ്ണ ആണ് ഇതില്‍ നായക വേഷത്തിലെത്തുന്നത്. അഷ്‌റഫ് പെരിന്തല്‍മണ്ണ, സുനില്‍ പാതാക്കര, വേങ്ങൂര്‍ മുജീബ് റഹ്മാന്‍, സത്യന്‍ ചെറുപ്പളശ്ശേരി, ലിയാമോള്‍, ബേബിവൈഗ എന്നിവരാണ് മറ്റ് പ്രധാന അഭിനേതാക്കള്‍.

ടെലിഫിലിമിന്റെ പൂജാ കര്‍മ്മം ചലച്ചിത്ര സംവിധായകന്‍ മേലാറ്റൂര്‍ രവിവര്‍മ്മ 'ഭദ്രദീപം കൊളുത്തി നിര്‍വ്വഹിച്ചു. ചലച്ചിത്ര നടന്മാരായ ഉബൈദ്ഖാന്‍ പെരിന്തല്‍മണ്ണ, ഛായാഗ്രാഹകന്‍ ശ്രീജു അങ്ങാടിപ്പുറം. സത്യന്‍ ചെറുപ്പളശ്ശേരി, ശക്തിധരന്‍ പെരിന്തല്‍മണ്ണ എന്നിവര്‍ സംബന്ധിച്ചു.

   

ചലച്ചിത്ര തിരക്കഥാകൃത്തും നോവലിസ്റ്റുമായ കെ.എസ് ഹരിഹരന്‍ ആദ്യമായി സംവിധാനം ചെയ്യുന്ന ടെലിഫിലിമാണിത്. പി.ആര്‍.ഒ: റഹിം പനവൂര്‍.