സംവിധായകൻ സച്ചിയുടെ അസിസ്റ്റന്റ് പ്രമോദ് കൃഷ്ണ നിർമ്മാണവും രചനയും സംവിധാനവും നിർവഹിക്കുന്ന ചിത്രമാണ് 'വിൻ'. സിനിമയുടെ പൂജാകർമം തിരുവനന്തപുരത്ത് നടന്നു.സംസ്ഥാന ചലച്ചിത്ര അക്കാദമി വൈസ് ചെയർമാനും നടനുമായ പ്രേംകുമാർ ചിത്രത്തിന്റെ ടൈറ്റിൽ പ്രകാശനം ചെയ്തു. ചലച്ചിത്ര താരങ്ങളായ ശ്രീലതനമ്പൂതിരി, ഡോ.രജിത്കുമാർ, ചിത്രത്തിന്റെ സംവിധായകൻ പ്രമോദ് കൃഷ്ണ, ഛായാഗ്രാഹകൻ രമേഷ് വി. ദേവ്, സംവിധായകൻ രമേഷ്തമ്പി, ഗിരിജാവല്ലഭൻ, എസ്.മധുസൂദനൻ നായർ, ഷീജാ  പേഴുംമൂട്, ഡോ. സ്കന്ദസ്വാമി പിള്ള, ഉണ്ണികൃഷ്ണൻ കുന്നത്ത് തുടങ്ങിയവർ സംബന്ധിച്ചു.