ആലപ്പുഴ: രഞ്ജി ട്രോഫി ക്രിക്കറ്റിനുള്ള പതിനഞ്ചംഗ കേരള ടീമിനെ രോഹന്‍ പ്രേം നയിക്കും. ടൂര്‍ണമെന്റില്‍ കേരളത്തെ . സച്ചിന്‍ ബേബിയാണ് വൈസ് ക്യാപ്റ്റന്‍. മുന്‍ ക്യാപ്റ്റന്‍ സഞ്ജു വി.സാംസണും ടീമില്‍ ഇടം നേടിയിട്ടുണ്ട്.  ഓള്‍റൗണ്ടര്‍മാരായ ഇഖ്ബാല്‍ അബ്ദുള്ള, ജലജ് സക്‌സേന, ബാറ്റ്‌സ്മാനായ ഭവിന്‍ താക്കര്‍ എന്നി അതിഥി താരങ്ങളെയും ടീമില്‍ ഉള്‍പ്പെടുത്തിയിട്ടുണ്ട്.

ഒക്‌ടോബര്‍ ആറിന് ജമ്മു കാഷ്മീരിനെതിരെയാണ് കേരളത്തിന്റെ ആദ്യ മത്സരം. ഗ്രൂപ്പ് സിയില്‍ ആന്ധ്രാപ്രദേശ്, ഛത്തീസ്ഗഡ്, ഗോവ, ഹരിയാന, ഹിമാചല്‍പ്രദേശ്, ഹൈദരാബാദ്, ജമ്മുകാഷ്മീര്‍, സര്‍വീസസ്, ത്രിപുര എന്നിവരാണ് കേരളത്തിന്റെ എതിരാളികള്‍.

ടീം: രോഹന്‍ പ്രേം, സച്ചിന്‍ ബേബി.സഞ്ജു വി.സാംസണ്‍,നിഖിലേഷ് സുരേന്ദ്രന്‍, സന്ദീപ് എസ് വാര്യര്‍, വി.എ ജഗദീഷ്, ബേസില്‍ തമ്പി, ഭവിന്‍ തക്കര്‍, മനു കൃഷ്ണന്‍, ജലജ് സക്‌സേന, റോബര്‍ട്ട് ഫെര്‍ണാണ്ടസ്, , എം.ഡി നിധീഷ്, കെ.മോനിഷ്, വിനോദ് കുമാര്‍, ഇഖ്ബാല്‍ അബ്ദുള്ള.