ന്യുസ് ഫോട്ടോഗ്രാഫി വെല്ലുവിളികള്‍ നിറഞ്ഞ പശ്ചാതലത്തില്‍ മത്സരബുദ്ധിയോടെ നിമിഷനെരത്തെ ഉള്‍കാഴ്ചയുടെ ബലത്തില്‍ പകര്‍ത്തുന്നവയാണ്. അത് മികച്ചതാകാം അങ്ങനെയല്ലാതാകാം.  അത്തരം സാഹചര്യത്തില്‍ മികവിന് വേണ്ടിയുള്ള രണ്ടു പ്രമുഖ പത്രഫോട്ടോഗ്രാഫര്‍മാരുടെ ശ്രമം.  ഇവര്‍ തലസ്ഥാനത്തെ അറുപതോളം വരുന്ന പത്രഫോട്ടോഗ്രഫര്‍മാരുടെ പ്രതിനിധികള്‍മാത്രം.  അവരുടെയെല്ലാം മികച്ച ചിത്രങ്ങള്‍ ഓണോത്സവവേദിയായ കനകകുന്നില്‍ ഇന്‍സൈറ്റ് എന്ന പേരില്‍ പ്രദര്‍ശിപ്പിച്ചിട്ടുണ്ട്. ഒന്‍പതിന് തുടങ്ങിയ പ്രദര്‍ശനം 14 ന് അവസാനിക്കും.