തിരുവനന്തപുരം:ശ്രേഷ്ഠഭാഷാ വാരാഘോഷങ്ങളുടെ ഭാഗമായി നിയമസഭാ ലൈബ്രറിയിൽ ദ്വിദിന  മലയാള ചെറുകഥാ ശാഖയിലെ പുസ്തക പ്രദര്‍ശനം. 

ആദ്യ മലയാള ചെറുകഥയായ വാസനാവികൃതി മുതല്‍, ആധുനിക കാലഘട്ടത്തിലെ കഥകള്‍ വരെ ഉള്‍പ്പെടുന്ന പ്രദര്‍ശനം ചെറുകഥയുടെ വികസന പരിണാമങ്ങള്‍ വ്യക്തമാക്കുന്നതാണ്. ലൈബ്രറി റഫറന്‍സ് ഹാളില്‍ നവംബര്‍ ഏഴ് വരെ സന്ദർശിക്കാം. 

ഇതോടൊപ്പം മലയാള സാഹിത്യകാരന്മാരെപ്പറ്റി പൊതുജന സമ്പര്‍ക്ക വകുപ്പ് തയ്യാറാക്കിയിട്ടുളള ഡി.വി.ഡി യും പ്രദര്‍ശിപ്പിക്കുന്നുണ്ട്.  നിയമസഭാ സെക്രട്ടറി പി.ഡി. ശാരംഗധരന്‍ പ്രദര്‍ശനം ഉദ്ഘാടനം ചെയ്തു.