തിരുവനന്തപുരം:പ്രശസ്ത കാര്ട്ടൂണിസ്റ്റ് ഹക്കു വരച്ച മുഖ്യമന്തി ഉമ്മൻചാണ്ടിയുടെ കാര്ട്ടൂണ്‍ സമാഹാരം മൊബൈൽ ആപ്ലിക്കേഷനിലൂടെ പുറത്തിറക്കുന്നു. 'അതിവേഗം ബഹുദൂരം' എന്ന കാര്ട്ടൂണ്‍  സമാഹാരം മുഖ്യമന്ത്രി ഉമ്മൻചാണ്ടി  പ്രകാശനം ചെയ്യും.  23ന് രാവിലെ 7.30 ന്  ക്ലിഫ് ഹൗസിലാണ് പ്രകാശനച്ചടങ്ങ്‌.മൂന്നു പതിറ്റാണ്ടായി കാര്ട്ടൂണ്‍ രംഗത്തുള്ള ഹക്കു 'മനസാവാച വരയിൽ വിരിയുന്ന വി എസ്‌','വരച്ചവരയിൽ മൻമോഹൻ' എന്നീ കാര്ട്ടൂണ്‍ സമാഹാരങ്ങൾ മുൻപ് പുറത്തിറക്കിയിട്ടുണ്ട്.

അലസമായ മുടിയും, നരവീണ മീശയും,പാതിയടഞ്ഞ മിഴികളും, സുസ്മേരമുഖമായി എല്ലാ പ്രതിസന്ധികളെയും നേരിടുന്ന ഉമ്മൻചാണ്ടിയുടെ രാഷ്ടീയ ജീവിതത്തിലെ നിര്ണായക മുഹൂർത്തങ്ങൾ 150 കാര്ട്ടൂണുകളുടെ സമാഹാരമായി  വാല്മീകി.കോം ആണ് പുറത്തിറക്കുന്നത്. വെർച്വൽ ആപ്ലിക്കേഷനുപുറമെ സമാഹാരത്തിന്റെ അച്ചടി പതിപ്പ് സാഹിതി പുറത്തിറക്കും.