കര്‍ട്ടന്‍ റെയ്‌സറിന്റെ ''ഉരുളക്കുപ്പേരി'' എന്ന വീഡിയോ അവതരണം യൂട്യൂബില്‍ തരംഗമാകുന്നു. വ്യവസായ വിദ്യാഭ്യാസത്തിലെ അപഹാസ്യത പുറത്തു കൊണ്ടുവരുന്ന ഒരു അവതരണമാണിത്. കര്‍ട്ടന്‍ റെയ്‌സര്‍ വിവിധ സ്ഥലങ്ങളില്‍ അവതരിപ്പിച്ച മനോധര്‍മ്മ നാടകത്തിന്റെ പുനരാവിഷ്‌കാരമാണിത്. സതീഷ് പി. കുറുപ്പ് ആണ് ഇതിന്റെ ആവിഷ്‌കാരവും സംവിധാനവും നിര്‍വഹിച്ചിരിക്കുന്നത്. സതീഷ് പി.കുറുപ്പ്, സുരേഷ് ബാബു, രാജീവ് തുളസീധരന്‍, ഗോപന്‍ ചെരുവിള, അനീഷ് രാജ്, അരവിന്ദ് വി.കെ, രാജീവ്. എസ് എന്നിവരാണ് അഭിനേതാക്കള്‍. സതീഷ് പി. കുറുപ്പിന്റെ നേതൃത്വത്തിലുള്ള മൂവി ലവേഴ്‌സ് അസോസിയേഷനിലെ അംഗങ്ങളാണ് ഇവരെല്ലാവരും. സംവിധായകന്‍ പ്രധാന വേഷത്തിലെത്തുന്ന പ്രത്യേകതയും ഈ അരമണിക്കൂര്‍ ചിത്രത്തിനുണ്ട്.

ഛായാഗ്രഹണം: ജയരാജ് ഹരി. പശ്ചാത്തല സംഗീതം: എസ്. ആര്‍. സൂരജ്. കലാസംവിധാനം: അനുപ് പുത്തന്‍പുരയ്ക്കല്‍. എഡിറ്റിംഗ്: ആനന്ദ് എസ്. ലിന്‍. പി. ആര്‍.ഒ: റഹിം പനവൂര്‍. യൂട്യൂബില്‍ ദി കര്‍ട്ടന്‍ റെയ്‌സര്‍ എന്ന ചാനലില്‍ ഉരുളക്കുപ്പേരി കാണാം.