സമാനതകളില്ലാത്ത വേഷപ്പകര്‍ച്ചകളിലൂടെ മലയാളികളെ അത്ഭുതപ്പെടുത്തുന്ന നടന്‍ ഇന്ദ്രന്‍സും ഉടുപ്പില്‍ മികച്ച വേഷം ചെയ്യുന്നുണ്ട്. നടി സോനാനായരും ചിത്രത്തില്‍ മുഴുനീള കഥാപാത്രമാകുന്നുണ്ട്. ആക്ഷനും സസ്‌പെന്‍സും ത്രില്ലും നിറഞ്ഞ 'ഉടുപ്പ്' ഒരു ഫാമിലി എന്റര്‍ടെയ്‌നര്‍ കൂടിയാണ്. മെച്ചപ്പെട്ട ജീവിതം നയിക്കാന്‍ പണം അനിവാര്യമാണ്. പക്ഷേ പണം മാത്രം മതിയോ? പണത്തോട് മാത്രമുള്ള ആസക്തി ഒരു മനുഷ്യനെ എത്രമാത്രം മനുഷ്യത്വരഹിതമായ പ്രവര്‍ത്തികളിലേക്ക് തള്ളിവിടുമെന്നാണ് 'ഉടുപ്പ്' പ്രേക്ഷകരോട് പറയുന്നത്. ചിത്രം പണാസക്തിയുള്ള ഒരു വ്യക്തിയുടെ മാത്രം കഥയല്ലെന്ന് സംവിധായകന്‍ അനില്‍ മുഖത്തല പറഞ്ഞു. കാശുണ്ടാക്കണമെന്ന അമിതമായ ഒരാളുടെ ആര്‍ത്തിയിലൂടെ സമൂഹത്തില്‍ നിലനില്‍ക്കുന്ന അഴിമതിയിലേക്കും മറ്റ് സാമ്പത്തിക കുറ്റകൃത്യങ്ങളിലേക്കും ചൂണ്ടിക്കാണിക്കുന്ന പ്രമേയം കൂടിയാണ് ഉടുപ്പിന്റേതെന്ന് സംവിധായകന്‍ പറഞ്ഞു. എല്ലാത്തരം പ്രേക്ഷകരെയും രസിപ്പിക്കുകയും ചെയ്യുമ്പോഴും ചിത്രം ജീവിതത്തിലെ ചില മൂല്യങ്ങളിലേക്ക് വിരല്‍ ചൂണ്ടുന്നുണ്ടെന്ന് തിരക്കഥാകൃത്ത് അശോക്  ആര്‍ നാഥ് പറഞ്ഞു. ചിത്രീകരണം പൂര്‍ത്തിയായ ഉടുപ്പ് താമസിയാതെ മലയാളത്തിലെ പ്രമുഖ ഒ ടി ടി പ്ലാറ്റ്‌ഫോമില്‍ റിലീസ് ചെയ്യും.

അഭിനേതാക്കള്‍ സുധീര്‍ കരമന, സോന നായര്‍, ഇന്ദ്രന്‍സ്, കൊച്ചുപ്രേമന്‍, വഞ്ചിയൂര്‍ പ്രവീണ്‍, സുര്‍ജിത്ത്, മായ, സിന്ധു, റീന. ബാനര്‍ജനസൂര്യ സിനിമാസ്, സംവിധാനംഅനില്‍ മുഖത്തല, നിര്‍മ്മാണം സൂര്യനാരായണന്‍, ക്യാമറ സുനില്‍ പ്രേം, തിരക്കഥഅശോക് ആര്‍ നാഥ്, ആര്‍ട്ട്പാവുമ്പ മനോജ്, എഡിറ്റര്‍സുജേഷ് എസ്, മേക്കപ്പ്‌ലാല്‍ കരമന, പശ്ചാത്തല സംഗീതംവിശ്വജിത്ത് കവിത പ്രകാശ് കല്ല്യാണി, വസ്ത്രാലങ്കാരംഅജി കഴക്കൂട്ടം, പ്രൊഡക്ഷന്‍ കണ്‍ട്രോളര്‍പ്രകാശ് തിരുവല്ല, ശബ്ദമിശ്രണംകൃഷ്ണനുണ്ണി, പി ആര്‍ ഒ പി ആര്‍ സുമേരന്‍.