കാര്ടിഫ്:റിയൽ മാട്രിഡ് സ്ട്രൈക്കർ ഗാരെത്ത് ബാലെ നേടിയ ഏക ഗോളിൽ വെയിൽസ് ശക്തരായ ബെൽജീയത്തിനെ അട്ടിമറിച്ചു അടുത്ത്തവര്ഷം ഫ്രാൻസിൽ നടക്കുന്ന യുറോപ്യൻ ചാമ്പ്യൻഷിപ്  പ്രതീക്ഷകൾ നിലനിര്ത്തി. 

കളിയുടെ ആദ്യപകുതിയിലെ 25 ആം മിനുട്ടിലായിരുന്നു ബലേയുടെ ഗോൾ.  രാജ്യത്തിനുവേണ്ടി ബാലെ ബൂട്ടണിഞ്ഞ 50 ആം മത്തെ മത്സരവും,  വെയില്സിന്റെ യുറോപ്യൻ ചാമ്പ്യൻഷിപ്പിലെ 100 ആം മത്സരവും ആയിരുന്നു ഇന്നലെ കാര്ടിഫ് സിറ്റി സ്റ്റേഡിയത്തിൽ നടന്നത്.

ബെൽജീയത്തിനെതിരെയുള്ള  1-0 ജയത്തോടെ  വെയിൽസ്    ഗ്രൂപ്പ് ബിയിൽ 14 പൊയ്ന്റുമായി ഒന്നാം സ്ഥാനത്താണ്. രണ്ടാം സ്ഥാനത്തുള്ള ബെൽജീയത്തിനെകാൾ മൂന്നു പൊയന്റുകൾ മുന്നിൽ.  

 1958 നു ശേഷം ഒരു പ്രധാന ടൂർണമെന്റ്  ഫൈനലിൽ കടക്കാൻ കഴിയാതിരുന്ന വെയില്സ് ഇപ്പോൾ യുറോപ്യൻ ചാമ്പ്യന്ഷിപ്പ് പ്രവേശനത്തിന്റെ പടിവാതില്ക്കലാണ്.